CREDAI வீடுகள் கண்காட்சி ஆகஸ்ட் 9 முதல் திருச்சியில் நடக்கிறது மொத்தம் 25 பில்டர்கள் தங்கள் திட்டங்களை காட்சிப்படுத்துவார்கள் மற்றும் 13 விற்பனையாளர்கள் உட்புற வடிவமைப்பு பொருட்கள், மின் பொருத்துதல்கள், கதவுகள் மற்றும் ஓடுகள் உட்பட பல்வேறு கட்டுமான பொருட்களை காட்சிப்படுத்துவார்கள். இந்திய கட்டுமான நிறுவனங்களின் கூட்டமைப்பு (கிரடாய்) சாா்பில், திருச்சியில் ஃபோ் புரோ-2024 எனும் வீடுகள் கண்காட்சி ஆக.9ஆம் தேதி தொடங்கி தொடா்ந்து 3 நாள்களுக்கு நடைபெறுகிறது. இதுதொடா்பாக, கண்காட்சி குழு தலைவா் ஆா். மனோகரன், திருச்சி கிரடாய் தலைவா் ஆா்.எஸ். ரவி, செயலா் ஏ. நசுருதீன் ஆகியோா் செய்தியாளா்களிடம் செவ்வாய்க்கிழமை கூறியது: திருச்சி கிரடாய் சாா்பில் ஃபோ் புரோ-2024 எனும் வீடுகள் கண்காட்சி ஆக.9, 10, 11 ஆகிய தேதிகளில் திருச்சி கலையரங்கில் நடைபெறுகிறது. இக் கண்காட்சியில் 24 கட்டுமான நிறுவனங்கள், 10-க்கும் மேற்பட்ட முன்னணி வங்கிகள் உள்பட 50-க்கும் மேற்பட்ட அரங்குகள் அமைக்கப்படவுள்ளன. இதில், 2 ஆயிரத்துக்கும் மேற்பட்ட வீடுகளின் மாதிரிகளும் காட்சிப்படுத்தப்படவுள்ளன. இக் கண்காட்சியில் வீடுகள் பதிவு செய்யும் வாடிக்கையாளா்களுக்கு தங்கநாணயம் மற்றும் சிறப்புச் சலுகைகள் வழங்கப்படும். மேலும், கடன் வசதி உள்பட கட்டுமானம் தொடா்பான அனைத்து சேவைகளும் ஒரே இடத்தில் கிடைக்கும்வகையில் கண்காட்சி ஏற்பாடு செய்யப்பட்டுள்ளது. மத்திய அரசின் அனைவருக்கும் வீடு திட்டத்தில் தகுதியான பயனாளிகளுக்கு அரசின் நிதியுதவியுடன் கூடிய வீடுகள் கட்டித்தரப்படும். தனி வீடுகள், அடுக்குமாடி குடியிருப்புகள் என ரூ.30 லட்சம் தொடங்கி ரூ.5 கோடி வரையில் வீடுகள் உள்ளன. உடன் குடிபுகும் நிலையிலும் வீடுகள் உள்ளன. இக் கண்காட்சியின் தொடக்க விழா வரும் 9-ஆம் தேதி காலை 10 மணிக்கு நடைபெறும். தமிழக நகராட்சி நிா்வாகத்துறை அமைச்சா் கே.என். நேரு கண்காட்சியை திறந்து வைக்கிறாா். பெரம்பலூா் மக்களவை உறுப்பினா் அருண் நேரு, மாநகராட்சி மேயா் மு. அன்பழகன் மற்றும் கிரடாய் அமைப்பின் அகில இந்திய, தென் மண்டல நிா்வாகிகள் பங்கேற்கவுள்ளனா் என்றனா். பேட்டியின்போது, திருச்சி கிரடாய் அமைப்பின் நிா்வாகிகள் எம். இளமுருகன், முருகானந்தம், ஷாஜகான், அலாவுதீன் ஆகியோா் உடனிருந்தனா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb  

நூற்றியெட்டு திவ்யத் தலங்களில் முதன்மையானது, 'பூலோக வைகுண்டம்' என்று அழைக்கப்படுவது, தென்னிந்தியாவிலேயே உயர்ந்த ராஜகோபுரம் கொண்டது, பதினொரு ஆழ்வார்கள் மங்களாசாசனம் செய்த தலம் எனும் சிறப்புப் பெற்றது, கவிச்சக்கரவர்த்தி கம்பர் தாம் இயற்றிய கம்ப ராமாயணத்தை அரங்கேற்றிய தலம் என பல்வேறு பெருமைகளைக் கொண்டது ஸ்ரீரங்கம் ஸ்ரீரங்கநாதர் திருக்கோயில். ஸ்ரீரங்கத்திற்கு இன்னொரு பெயர் திருவரங்கம். ‘அரங்கம்’ என்றால் தீவு என்று பொருள். காவிரி ஆற்றுக்கு நடுவே இருக்கும் தீவாகிய அரங்கத்தில் இறைவன் குடியிருப்பதால் இதை, ‘ஸ்ரீரங்கம்’ என்றும், இத்தலத்தில் அருளும் பெருமாளை ஸ்ரீரங்கநாதன் எனவும், தாயாரை ரங்கநாயகி என்றும் அழைக்கிறார்கள். அசுரன் ராவண வதத்திற்குப் பிறகு, அயோத்தி மன்னனாக ஸ்ரீராமர் முடிசூடிக் கொள்கிறார். அந்த விழாவில் விபீஷணன் கலந்துக் கொள்கிறார். நாராயணனின் சிறிய சிலையை விபீஷணனுக்கு ஸ்ரீராமர் பரிசளிக்கிறார். அதைப் பெற்றுக்கொண்டு இலங்கைக்குத் திரும்பும் வழியில் தினசரி செய்யவேண்டிய கர்மானுஷ்டானங்களைச் செய்ய எண்ணினார் விபீஷணர். அப்போது சிறுவன் உருவில் வந்த விநாயகப் பெருமானிடம் அந்தச் சிலையை கொடுத்துவிட்டு, ‘எக்காரணம் கொண்டும் இதை கீழே வைக்கக்கூடாது’ என்று சொல்லிவிட்டு சென்றார். விபீஷணன் வருவதற்கு நேரம் ஆனதால் விநாயகர் அந்தச் சிலையை கீழே வைத்துவிட்டு சென்றுவிட்டார். விபீஷணன் வந்து பார்க்கும்போது நாராயணன் சிலை பெரிதாக வளர்ந்திருப்பதைக் கண்டு ஆச்சர்யமடைகிறார். அதை எவ்வளவு எடுக்க முயற்சித்தும் முடியவில்லை. இதனால் விபீஷணன் கலக்கம் அடைந்தார். அப்போது ஒரு அசரீரி கேட்டது. ‘இந்த இடத்திலேயே சிலை இருக்கட்டும். நான் இங்கிருந்தே இலங்கை இருக்கும் திசையை பார்த்தவாறே வீற்றிருக்கிறேன்’ என அந்த அசரீரி கூறியது. இப்படித்தான் ஸ்ரீரங்கம் கோயில் உருவானது. வளரும் நெற்குதிர்கள்: இக்கோயிலில் 20 அடி விட்டமும், 30 அடி உயரமும் கொண்ட நெற்குதிர்கள் சக்கரத்தாழ்வார் சன்னிதிக்கு அருகில் இருக்கின்றது. ஆயிரம் ஆண்டுகளுக்கு முன்னர் அமைந்த இந்த நெல் சேமிப்பு கிடங்குகள் வட்ட வடிவம் கொண்டவை. மொத்தமாக 1500 டன் எடை கொண்ட நெல்லை இதில் சேமிக்க முடியும். இதில் எந்த காலத்திலு நெல் குறைந்து. பற்றாக்குறை ஏற்பட்டதில்லை. அதேபோல, எவ்வளவு நெல் கொட்டினாலும் அதை ஏற்றுக்கொள்ளும் தன்மையை உடையது இந்த நெற்குதிர்கள். அசையும் கொடிமரம்: எல்லா கோயில்களிலும் உள்ள கொடிமரங்கள் கல் மற்றும் மரத்தால் செய்யப்பட்டிருப்பதால் அசையாது. ஆனால். ஸ்ரீரங்கத்தில் உள்ள ரங்கவிலாஸ் மண்டபத்தின் அருகில் இருக்கும் கொடிமரத்தை வணங்கிவிட்டு மேலே பார்த்தால் அசையும் தோற்றம் தெரியும் என்கின்றனர். அப்படி அசைவது போலத் தோன்றினால், நாம் வேண்டியது நிச்சயம் நிறைவேறும் என்று சொல்லப்படுகிறது. ஸ்ரீராமானுஜர் திருமேனி: ஸ்ரீராமானுஜர் தனது 120வது வயதில் பரமபதம் எய்தினார். பொதுவாக, வைணவ சம்பிரதாயப்படி வைணவ பதவி அடைந்த துறவிகளை எரியூட்ட மாட்டார்கள். அதற்கு பதில் உடல் பள்ளியூட்டப்படும். அதாவது. சமாதியில் அமரவைத்து மூடப்படும். அதேபோல. ராமனுஜரின் உடல் ஸ்ரீரங்கத்தின் வசந்த மண்டபத்தில் பள்ளிப்படுத்தப்பட்டுள்ளது. அங்கே இருக்கும் ஸ்ரீராமானுஜரின் உடல் இன்றும் உயிரோட்டத்துடன் காட்சியளிக்கிறது. ராமானுஜரின் உடல் பச்சைக்கற்பூரம் மற்றும் குங்குமத்தால் செய்யப்பட்ட கலவையால் மூடப்பட்டுள்ளது. 900 ஆண்டுகள் கடந்தும் ராமானுஜரின் உடல் அப்படியே காட்சித்தருவது அதிசயமாகும். தேயும் செருப்புகள்: திருவரங்கத்தில் பள்ளிக்கொண்டிருக்கும் பெருமாள் அணிந்திருக்கும் காலணிகள் தேய்மானத்திற்குப் பிறகு ஸ்ரீரங்கம் திருக்கொட்டாரம் என்னும் இடத்தில் தூணில் மாட்டி வைத்திருப்பதைக் காணலாம். இந்த செருப்பை செய்வதற்கெனவே தொண்டர்கள் இருக்கிறார்கள். இரண்டு செருப்பையும் தனித் தனியாக வெவ்வேறு இடத்தில் செய்வார்கள். இருப்பினும் இரண்டுமே ஒன்றுபோலவே இருக்கும் என்பது அதிசயம். பெருமாளின் ஜொலிக்கும் கண்கள்: பெருமாளின் கண்கள் கோகினூர் வைரங்களை விட விலை மதிப்பற்ற வைரங்களால் உருவானவை என்றும், அது ஆங்கிலேயர் காலத்தில் திருடுபோய் விட்டது என்றும் சொல்கிறார்கள். அதை விபீஷணர் ஸ்ரீரங்கம் பெருமாளுக்கு வழங்கினார் என்றும் கூறப்படுகிறது. ஐந்து குழி மூன்று வாசல்: ஸ்ரீரங்கம் கோயிலில் தாயார் சன்னிதிக்கு அருகில் உள்ள ஐந்து குழி மூன்று வாசல் அதிசயம் நிறைந்தது. இங்கிருக்கும் ஐந்து குழிகளிலும், ஐந்து விரல்களை விட்டு பார்க்கும்போது பரமபத வாசல் தெரியும். இப்படித்தான் தாயார் பெருமாளை வணங்குகிறார் என்பது ஐதீகம். அர்த்தபஞ்சக ஞானத்தை குறிப்பது ஐந்து புள்ளியாகும். மூன்று வாசல் என்பது பிரம்மத்தின் ஞானம் என்றும் கூறப்படுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k

வெல்லமண்டி உயரழுத்த மின்பாதையில் காலை 09:45 மணி முதல் மணி மாலை 04:00 வரை மின்சார நிறுத்தம் செய்யப்பட உள்ளது. இதனால் அம்மின்பாதை வாயிலாக மின்விநியோகம் பெறும் தையல்காரத்தெரு, பூலோக நாதர் கோவில் தெரு, காந்தி மார்கெட், கிருஷ்ணபுரம் ரோடு, மீன்மார்கெட், மணிமண்டப சாலை, பெரிய சௌராஷ்டிரா தெரு, வெள்ளை வெற்றிலைக்காரத் தெரு, மைலம் சந்தை, வெல்ல மண்டி, வளையல் காரத்தெரு, நரசிம்ம நாயுடு தெரு, கல் மந்தை, ராணித்தெரு, பெரிய கடைவீதி, முகம்மது அலி ஜின்னா தெரு, மன்னார் பிள்ளைத் தெரு, கோபால கிருஷ்ணன் பிள்ளை தெரு ஆகிய பகுதிகளில் மின் விநியோகம் இருக்காது துவரங்குறிச்சி துணை மின் நிலையத்தில் பராமரிப்பு பணிகள் மேற்கொள்ளப்படுகிறது. இதன் காரணமாக துவரங்குறிச்சி, அழகாபுரி, அக்கியம்பட்டி, நாடார்பட்டி, ஆலம்பட்டி, இக்கரைக் கோசிக்குறிச்சி, செவந்தாம்பட்டி, தெத்தூர், செவல்பட்டி, வெங்கடநாயக்கன்பட்டி, அடைக்கம்பட்டி, நல்லூர், பில்லுப்பட்டி, யாகபுரம், கல்லுப்பட்டி, பொருவாய், மருங்காபுரி, கருமலை, எண்டப்புளி, மணியங்குறிச்சி, வேளக்குறிச்சி, கஞ்சநாயக்கன்பட்டி மற்றும் சுற்றுப்பகுதிகளில் நாளை காலை 9 மணி முதல் மாலை 5 மணி வரை மின்சாரம் இருக்காது திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k

திருச்சி மாவட்டம் துறையூரைச் சேர்ந்த பழங்குடியின மாணவி JEE தேர்வில் வெற்றி பெற்று திருச்சி என்ஐடியில் படிக்கும் வாய்ப்பைப் பெற்றுள்ளார். துறையூர் அருகே பச்சைமலையை சேர்ந்த மலைவாழ் பகுதி, பழங்குடியின மாணவியான ரோஹிணி, ஜேஇஇ தேர்வில் 73.8 சதவீத மதிப்பெண்கள் பெற்று தமிழ்நாட்டில் தேர்வெழுதிய பழங்குடியின மாணவிகளில் முதலிடமும் பிடித்துள்ளார். ஜேஇஇ தேர்வில் தேர்ச்சி பெற்றுள்ள பழங்குடியின மாணவி ரோஹிணி, திருச்சி என்ஐடி கல்லூரியில் வேதிப் பொறியியல் படிப்பை தேர்வு செய்துள்ளார். கடந்த 60 ஆண்டுகளில் திருச்சி என்ஐடி கல்லூரியில் சேர்ந்த முதல் பழங்குடியின மாணவி என்ற பெருமையை ரோஹிணி பெற்றுள்ளார். இவருடன் ஜேஇஇ தேர்வில் தேர்ச்சி பெற்ற சுகன்யா என்ற பழங்குடியின மாணவியும் திருச்சி என்ஐடி கல்லூரியில் சேர்ந்துள்ளார். என்ஐடி கெமிக்கல் ஆய்வகத்தை பார்வையிட சென்றபோது ஏற்பட்ட ஆர்வமே ஜேஇஇ தேர்வில் வெற்றிபெற தூண்டுதலாக அமைந்ததாக, மாணவி ரோஹிணி தெரிவித்துள்ளார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k  

சூரியூர், இலந்தைப்பட்டி இடங்களில் ஆய்வு செய்தனர். விரைவில் பணிகள் அனைத்தும் தொடங்கும் என தகவல் வெளியாகி உள்ளது திருச்சி மாவட்டத்தில் திருவெறும்பூர் பகுதியில் 150 ஏக்கர் நிலப்பரப்பில் மேலும் ஒரு சிப்காட் தொழிற்பூங்கா உருவாக்கப்படும் என அரசு சார்பில் சமீபத்தில் அறிவிக்கப்பட்டுள்ளது. இந்த திட்டத்தின் மூலம் 225 கோடி முதலீடு ஈர்க்கப்படும் என்றும் இதன் மூலம் 3000 நபர்களுக்கு நேரடி மற்றும் மறைமுக வேலைவாய்ப்புகள் உருவாகும் என்று எதிர்பார்க்கப்படுகிறது. திருச்சி அருகே சிப்காட் அமைய இருக்கும் இடமான திருச்சி மாவட்டம், திருவெறும்பூர் வட்டம், சூரியூர் மற்றும் இலந்தைப்பட்டி கிராமத்தில் தமிழ்நாடு பள்ளிக் கல்வித் துறை அமைச்சர் அன்பில் மகேஸ் பொய்யாமொழி , தொழில்துறை அமைச்சர் டாக்டர்.டி.ஆர்.பி.ராஜா ஆகியோர் இன்று மாவட்ட ஆட்சித்தலைவர் பிரதீப் குமார் முன்னிலையில் நேரில் சென்று பார்வையிட்டு ஆய்வு மேற்கொண்டார்கள். இந்த ஆய்வின் போது மாவட்ட வருவாய் அலுவலர் ராஜலட்சுமி, திருச்சி வருவாய் கோட்டாட்சியர் அருள் மற்றும் அரசுத்துறை அலுவலர்கள் உடனிருந்தனர். திருச்சி மாவட்டத்தில் அமைய உள்ள சிப்காட் இடங்களை அமைச்சர்கள் நேரில் ஆய்வு செய்துள்ளதால் விரைவில் இந்த பணிகள் அனைத்தும் தொடங்கப்படும் என்று எதிர்பார்க்கப்படுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k  

திருச்சி மாநகராட்சிக்குட்பட்ட கம்பரசம்பேட்டை தலைமை நீர்ப்பணி நிலையம், டர்பன் நீரேற்று நிலையம், பெரியார் நகர் கலெக்டர் வெல் நீரேற்று நிலையம் மற்றும் அய்யாளம்மன் படித்துறை ஆகிய நீரேற்று நிலையத்திலிருந்து மேல்நிலை நீர்தேக்க தொட்டிகளுக்கு வழங்கப்படும் குடிநீர் விநியோகம் இருக்காது. 11-ம் தேதி முதல் வழக்கம்போல் குடிநீர் விநியோகம் செய்யப்படும். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k

திருச்சி, திருவானைக்காவல் அருகே, திருவளர்சோலையைச் சேர்ந்தவர் விக்னேஷ், 24, பெட்டிக்கடை வைத்துள்ளார். அதே பகுதியைச் சேர்ந்த நாகேந்திரன், திருவளர்சோலையில் பழக்கடை வைத்துள்ளார். விக்னேஷின் உறவினர் பெண்ணை, நாகேந்திரன் காதலிப்பது தொடர்பாக, அவர்களுக்குள் முன் விரோதம் இருந்தது. நேற்று முன்தினம் இரவு நாகேந்திரன், அவரது நண்பர் ஜீவானந்தம் ஆகியோர் விக்னேஷுடன் தகராறு செய்தனர். அதன்பின், நாகேந்திரன், ஜீவானந்தம், அவரது நண்பர்களான நெப்போலியன், 29, கதிரவன், 34, சங்கர்குரு, 35, கமலேஷ், 18, ஆகியோர், விக்னேஷ் வீட்டுக்குச் சென்று தகராறு செய்தனர். அப்போது, விக்னேஷ் உறவினர்கள் மற்றும் நண்பர்கள் திரண்டதால், அவர்களுக்குள் மோதல் ஏற்பட்டது. கட்டை, கல், கத்தி போன்ற ஆயுதங்களால் இரு தரப்பினரும் ஒருவரை ஒருவர் தாக்கிக் கொண்டனர். இதில், நாகேந்திரன், ஜீவானந்தம், நெப்போலியன், கதிரவன், சங்கர்குரு, கமலேஷ் ஆகியோர் காயமடைந்தனர். ஸ்ரீரங்கம் மருத்துவமனையில், நெப்போலியன் இறந்தார். கதிரவன் உட்பட இருவர் திருச்சி அரசு மருத்துவமனையில் சேர்க்கப்பட்டனர். நெப்போலியன் உறவினர்கள் மருத்துவமனையில் திரண்டனர். நேற்று காலை, இச்சம்பவத்தில் தொடர்புடையவர்களை கைது செய்ய வலியுறுத்தி, நெப்போலியன் உறவினர்கள் கல்லணை சாலையில் மறியலில் ஈடுபட்டனர். போலீசார் பேச்சு நடத்தினர். இரண்டு மணி நேரத்துக்கும் மேலாக மறியல் நீடித்ததால், போக்குவரத்து பாதிக்கப்பட்டது. ஸ்ரீரங்கம் போலீசார், விக்னேஷ், எசனக்கோரையைச் சேர்ந்த மனோஜ் உட்பட சிலரை பிடித்து விசாரிக்கின்றனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k

திருச்சி மாவட்டம் முசிறி அந்தரப்பட்டி குடோன் அருகில் வளையல் வியாபாரம் செய்து வசித்து வரும் முருகேசன் மனைவி கீதா (வயது 46). இவர் தன் கணவனைப் பிரிந்து இருந்து இரண்டு மகன்கள் உடன் வசித்து வருகிறார். இந்நிலையில் முசிறி அருகே வாளவந்தியைச் சேர்ந்த பாலச்சந்திரன் (64) என்பவருடன் திருமணத்தை மீறிய தொடர்பு இருந்ததாகக் கூறப்படுகிறது. இந்நிலையில் கீதா பாலச்சந்திரனிடம் கேஸ் சிலிண்டர் புதிதாக பதிவு செய்வதற்கு பணம் கேட்டுள்ளார். பாலச்சந்திரன் குறைவான பணம் கொடுத்ததால் தனது வீட்டிற்கு வரக்கூடாது என்று பாலச்சந்திரனை கீதா கண்டித்துள்ளார். இதனால் ஆத்திரம் அடைந்த பாலச்சந்திரன் இன்று காலை ஆறு மணி அளவில் கீதா வீட்டிற்கு சென்று கீதாவை அரிவாளால் கழுத்தில் வெட்டி கொலை செய்துள்ளார். இதோடு நின்றுவிடாமல் தனது சொந்த ஊரான வாழவந்தியில் தனது வீட்டு அருகில் உள்ளவரிடம் நிலத்தகராறு இருந்து வந்த நிலையில் அதே ஊரைச் சேர்ந்த முருகேசன் மகன் ரமேஷ் (55) என்பவரை ஜம்புநாதபுரம் காவல் நிலையம் அருகில் உள்ள டீ கடையில் வைத்து தலையில் வெட்டி உள்ளார். ரத்த வெள்ளத்தில் கீழே சாய்ந்த ரமேஷை மக்கள் மீட்டு அரசு மருத்துவமனைக்கு கொண்டு சென்றனர். அங்கு சிகிச்சை பலனின்றி அவரும் இறந்து விட்டார். இரட்டை கொலையை செய்துவிட்டு பாலச்சந்திரன் ஜம்பு நாதபுரம் காவல் நிலையத்தில் அரிவாளுடன் சரணடைந்து விட்டார். இச்சம்பவம் முசிறி பகுதியில் மிகுந்த பரபரப்பை ஏற்படுத்தி உள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k

திருச்சி-சென்னை தேசிய நெடுஞ்சாலையில் இருந்து சமயபுரம் செல்லும் சாலையை விரிவுபடுத்தும் பணியை மாநில நெடுஞ்சாலைத்துறை துவக்கி, நீண்ட நாள் கோரிக்கையை நிறைவேற்றி வருகிறது. ஏறக்குறைய 1.5 கி.மீ தூரம் செல்லும் இந்த சாலை, சமயபுரம் நகரத்துக்கும், ஸ்ரீ மாரியம்மன் கோயிலுக்கும் தேசிய நெடுஞ்சாலையில் இருந்து வருபவர்களின் முக்கிய அணுகு சாலையாகும். இந்த சாலையை தினமும் நூற்றுக்கணக்கான மக்கள் பயன்படுத்துகின்றனர், மேலும் விசேஷ நிகழ்வுகள் மற்றும் திருவிழாக்களில் ஏராளமான பாதயாத்திரைகள் கோயிலுக்கு வருகை தருகின்றனர். இருபுறமும் வாகனங்கள் செல்வதால், சாலையை அகலப்படுத்த வேண்டும் என கோரிக்கை விடுத்தனர். தற்போது நெடுஞ்சாலைத்துறை சார்பில் ₹2.2 கோடி மதிப்பீட்டில் சாலை விரிவாக்கம் செய்யப்பட்டு வருகிறது. இத்திட்டத்தின் ஒரு பகுதியாக மழைநீர் வடிகால்களும் கட்டப்பட்டு வருகின்றன. இதுகுறித்து துறையூர் பகுதியை சேர்ந்த என்.சரவணன் கூறுகையில், ""சாலை அகலப்படுத்துவது பக்தர்களுக்கு, குறிப்பாக சமயபுரம் கோவிலுக்கு பாதயாத்திரை செல்லும் பக்தர்களுக்கு பெரிதும் உதவியாக இருக்கும். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/HPjZpwnd79T8IWzIKDkm8k