அண்ணா விளையாட்டு அரங்கு பகுதியில் எப்பொழுதும் காலை நேரங்களில் அரசு அதிகாரிகள் நடைபயிற்சி மேற்கொள்வார்கள். இந்த விளையாட்டு அரங்கை சுற்றி முட்புதர்கள் மண்டி கிடந்த நிலையில் அவ்வப்போது திருச்சி மாநகராட்சி மற்றும் தனியார் அமைப்புகள் இணைந்து இந்த பகுதியினை சுத்தப்படுத்தும் பணிகளில் ஈடுபட்டு வருகின்றனர். தற்போது இந்த விளையாட்டு அரங்கிலே மேம்படுத்தும் நோக்கில் பல்வேறு வளர்ச்சி பணிகளில் இந்த பகுதியில் மேற்கொள்ளப்பட்டு வருகிறது.  தேசிய அளவிலான சர்வதேச அளவிலான போட்டிகளை நடத்துவதற்கு ஏதுவாக இதனை மாற்றுவதற்கு தமிழக அரசு பல்வேறு நடவடிக்கைகளை எடுத்து வருகிறது அண்ணா விளையாட்டு அரங்கை சுற்றி வழித்தடத்தில் பாதசாரிகள் நடப்பதற்கும் நடைப்பயிற்சி மேற்கொள்ள சமமான பாதைகள் அமைக்கப்பட்டு வருகிறது. இதுமட்டுமல்லாமல் ஆங்காங்கே அமர்ந்து பேசுவதற்கான இருக்கைகள் அமைக்கப்படுகிறது. இதனுடன் சேர்த்து அந்த பகுதியில் பூங்கா ஒன்றும் அமைக்க திட்டமிடப்பட்டுள்ளது. இந்த பூங்கா செல்லும் வழியில் வண்ண அலங்கார விளக்குகள் பொருத்தப்பட இருக்கிறது. இந்த பணிகள் அனைத்தும் வருகின்ற 2025-ம் ஆண்டு டிசம்பர் மாதத்திற்குள் முடிக்க திட்டமிடப்பட்டுள்ளது. ஏற்கனவே இந்த பணிகள் அனைத்தும் தொடங்கி நடைபெற்று வருவதால் விரைவில் இந்த பணிகள் அனைத்தும் நிறைவு பெறும் என்று எதிர்பார்க்கப்படுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

ஜமால் முகமது கல்லூரியின் உணவு மற்றும் ஊட்டச்சத்து துறை சார்பில் தக்காளியில் இருந்து மதிப்பு கூட்டப்பட்ட தக்காளி தாள்கள் அறிமுகம் செய்யப்பட்டுள்ளது. தக்காளி விலை வீழ்ச்சியடையும் காலங்களில் விவசாயிகளுக்கு ஏற்படும் நஷ்டத்தைத் தவிா்க்க தக்காளியில் மதிப்புக் கூட்டுப் பொருள்கள் தயாரிப்பை ஊக்குவிக்க வேண்டும் என கருத்தரங்கில் வலியுறுத்தப்பட்டது. திருச்சி ஜமால் முகமது கல்லூரியின் உணவு மற்றும் ஊட்டச்சத்து துறை சார்பில் தக்காளியில் இருந்து மதிப்பு கூட்டப்பட்ட தக்காளி தாள்கள் அறிமுகம் செய்யப்பட்டுள்ளது.உணவிற்கு பொதுவாக தக்காளி தான் பயன்படுத்தப்படும். ஆனால் தக்காளியில் இருந்து தயாரிக்கப்பட்ட மதிப்பு கூட்டப்பட்ட பொருளான தக்காளி தாள்களையும் இனி பயன்படுத்தலாம் என்று திருச்சி ஜமால் முகமது கல்லூரியின் பேராசிரியர் தெரிவிக்கிறார். நிகழ்வில் ஜமால் முகமது கல்லூரியின் ஊட்டச்சத்து மற்றும் உணவுமுறை துறை உதவிப் பேராசிரியா் சங்கீதா கூறியது: விலை குறைவாக தக்காளி விற்கும் நாள்களில், அவற்றை சேகரித்து சுத்தம் செய்து தோல்கள், விதைகளை நீக்கி, கூழாக்கி மென்மையாக அரைத்து சீராகப் பரப்பி, உலத்தி தரமான தக்காளி தாள்கள் தயாரிக்கப்படுகின்றன. இவற்றைத் துண்டுகளாக்கி சமையலுக்குப் பயன்படுத்தலாம். இதில் இயற்கை ஆண்டி ஆக்சிடண்ட் உள்ளதால் உடலுக்கு நல்லது. இதன் தரம், சுவை, சத்துகள் குறையாது. இந்தத் தக்காளி தாள்களை தேசிய உணவு தொழில்நுட்பம், தொழில்முனைவு மற்றும் மேலாண்மை நிறுவன நிபுணா்கள் ஆய்வுசெய்து அங்கீகாரம் வழங்கியுள்ளனா். இந்தத் தக்காளி தாள்களை சாதாரணமாக காற்றுப்புகாத பைகளில் 3 மாதம் வரை வைத்து பயன்படுத்தலாம். அதற்கும் மேல் பயன்படுத்துவதாக இருந்தால் குளிா்ச்சாதன பெட்டிகளில் வைத்துப் பாதுகாத்து பயன்படுத்தலாம். இப்போது ஆய்வகத்தில் வைத்துத் தயாரிக்கப்படும் இந்த தக்காளி தாள்களை, விவசாயிகள் தங்களது வீட்டில் வைத்து எளிமையாக தயாரிக்கும் அளவுக்கு ஆராய்ச்சிகள் மேற்கொள்ளப்படுகின்றன. இது சாத்தியமாகும் நிலையில், தக்காளி பயிரிடும் விவசாயிகள் தக்காளி விலை குறையும் சமயத்தில் தங்களது வீடுகளிலேயே தக்காளித் தாள்கள் தயாரித்து விற்றுப் பயனடையலாம் என்றாா். சிறுநீரக கல் மற்றும் சிறுநீரக பாதிப்பு உள்ள நோயாளிகள் தக்காளியை அதிகம் உணவில் எடுத்துக் கொள்வதில்லை. ஆனால் இந்த தக்காளி தாள்களில் தக்காளி விதைகளை முழுவதுமாக நீக்கப் பட்டதால் டயாலிசிஸ் செய்து கொள்பவர் களும் சிறுநீரக பாதிப்பு உள்ளவர்களும் இதனை பயன்படுத்தலாம். வழக்கமாக டிசம்பர் மாதம் முதல் ஜனவரி மாதம் வரையிலும் தக்காளி விலை அதிகரித்து காணப்படும் நிலையில் இந்த தக்காளி தாள்கள் நுகர்வோர் களுக்கு மிகுந்த பயனளிப்பதாக இருக்கும் என்றாா் அவா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

கம்பரசம் பேட்டை (110/33-11KV) துணை மின் நிலையத்தில் மாதாந்திர மின் பராமரிப்பு பணி (17.10.2024) இன்று மேற்கொள்ளப்படவுள்ளதால்,   விறகுப்பேட்டை, மரக்கடை, மலைக்கோட்டை, சிந்தாமணி, உறையூர், பாத்திமா நகர், புத்தூர், மங்களம் நகர், செல்வா நகர், பாரதி நகர் சிவா நகர் , புத்தூர் ஆனந்தம் நகர், Rainbow நகர், தில்லைநகர், அண்ணாநகர், கண்டோன்மென்ட், காஜாபேட்டை, ஜங்ஷன், கருமண்டபம், ராமலிங்க நகர், உய்யாகொண்டான் மலை, விஸ்வாஸ் நகர், மிளகுபாறை, கல்லாங்காடு, Society CColon, எம்.எம் நகர் மற்றும் தேவதானம், மகாலட்சுமி நகர், சங்கிலியாண்டபுரம், கல்லுக்குழி, அரியமங்கலம் உக்கடை, ஜெகநாதபுரம், திருவறும்பூர், வள்ளுவர் நகர், எல்லக்குடி, ஆலத்தூர், புகழ் நகர், காவேரி நகர், பாரி நகர், சந்தோஷ் நகர் மற்றும் கணேஷ் நகர் ஆகிய மேல்நிலை நீர்தேக்க தொட்டிகளுக்கு வழங்கப்படும் குடிநீர் விநியோகம் ஒருநாள் இருக்காது.   திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சிராப்பள்ளி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் (18.10.2024) (வெள்ளிகிழமை) சிறிய அளவிலான தனியார்துறை வேலைவாய்ப்பு முகாம் நடைபெறவுள்ளது. இத்தனியார்துறை வேலைவாய்ப்பு முகாமில் 10ஆம் வகுப்பு தேர்ச்சி, பன்னிரெண்டாம் வகுப்பு, ஐ.டி.ஐ. இளநிலை மற்றும் முதுநிலை பட்டதாரிகள் மற்றும் பொறியியல் படிப்புகள் போன்ற கல்வித்தகுதிகளையுடைய 18 வயது முதல் 40 வயதிற்குட்பட்ட வேலைநாடுநர்கள் மற்றும் மாற்றுத்திறனாளிகள் சுய விவரக்குறிப்பு (Bio-data), அனைத்து கல்விச்சான்றுகளின் நகல்கள், ஆதார் அட்டை மற்றும் பாஸ்போர்ட் அளவு புகைப்படம் ஆகியவற்றுடன் கலந்து கொண்டு பயன்பெறலாம். மேலும் தகவல்களுக்கு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தினை நேரிலோ அல்லது (0431-2413510), (94990-55901) & (94990-55902) என்ற தொலைபேசி எண்களிலோ தொடர்பு கொள்ளலாம் திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சி சந்திப்பு ரயில்நிலைய பழைய பாலத்துக்கு மாற்றாக ரூ.138 கோடியில் புதிய பாலம் கட்டப்படவுள்ளதால், மாநகரில் கடந்த 12-ஆம் தேதி நள்ளிரவு முதல் போக்குவரத்தில் மாற்றம் செய்யப்பட்டுள்ளது. போக்குவரத்து மாற்றம் தொடா்பாக புகா்ப் பகுதிகளில் அறிவிப்புப் பலகைகள் எங்கும் இல்லை. இதன்காரணமாக, வெளிமாவட்டங்களிலிருந்து வரும் கனரக வாகனங்கள் பலவும் மாநகருக்குள் வந்துவிடுகின்றன. இதனால், ஏற்கெனவே போக்குவரத்து மாற்றத்தால் நெரிசலில் தவிக்கும் மாநகரின் பிரதான சாலைகள் வாகன நெரிசலில் சிக்கி திணறுகின்றன. திண்டுக்கல் சாலையில் வண்ணாங்கோவில், மதுரை சாலையில் மணிகண்டம் ஆகிய இடங்களில் கட்டாயம் அறிவிப்பு பலகை வைக்க வேண்டும். அப்போதுதான் பிற மாவட்டங்களில் இருந்து வரும் கனரக வாகனங்கள் திருச்சிக்குள் வராமல் புறவழிச் சாலை வழியாக செல்லும். தீபாவளி பண்டிகைக் காலம் என்பதால் போக்குவரத்து மாற்றமும் கூடுதல் நெருக்கடியை அளிக்கும் என்பதை உணா்ந்து மாற்று ஏற்பாடுகளை முறையாக செய்ய வேண்டும் என்கின்றனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

நகராட்சி நிர்வாகத் துறை அமைச்சர் கே.என்.நேரு பஞ்சப்பூரில் புதிதாக கட்டப்பட்டு வரும் ஒருங்கிணைந்த பேருந்து நிலையத்தின் கட்டுமான பணிகளை நேரில் பார்வையிட்டு ஆய்வு மேற்கொண்டு பணிகளை விரைவாக மேற்கொள்ள அலுவலர்களுக்கு ஆலோசனை வழங்கினார். இந்த பேருந்து முனையமானது 40.60 ஏக்கர் மொத்த பரப்பளவில் பஞ்சப்பூரில் கடந்த சில ஆண்டுகளாக கட்டப்பட்டு வந்தது. இந்த பேருந்து நிலையத்தில் சுமார் 124 புறநகர் பேருந்துகளை நிறுத்தும் வகையிலும், 142 நீண்ட நேர பேருந்துகளை நிறுத்தும் வகையில் அமைக்கப்பட்டு வந்தது. இந்த பேருந்து நிலையத்தில் 78 குறைந்த நேர நிறுத்த தடங்கள் என மொத்தமாக சேர்த்து 404 பேருந்து நிறுத்த இடங்களிளும் 60 நகரப்பேருந்து நிறுத்த இடங்களும் 70 கடைகள் என மிகவும் மிகப்பிரம்மாண்டமாக அமைக்கப்பட்டு இருக்கிறது. சென்னையில் கலைஞர் நூற்றாண்டு பேருந்து நிலையத்திற்கு ஈடாக இந்த பேருந்து முனையமானது அமைக்கப்பட்டுள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, விழுப்புரம், திருவண்ணாமலை, கடலூர், அரியலூர், கள்ளக்குறிச்சி, பெரம்பலூர், தஞ்சை, புதுச்சேரி உள்ளிட்ட பகுதிகளில் நாளை மிக கனமழை பெய்ய வாய்ப்பு. வேலூர், திருப்பத்தூர், கிருஷ்ணகிரி, தருமபுரி, சேலம், திருச்சி, புதுக்கோட்டையில் நாளை கனமழைக்கு வாய்ப்பு - சென்னை வானிலை மையம். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

*கல்லூரியில் இருப்பாள் மகள்;  அம்மாவுக்கு வரும் போன்கால்: உஷாரா இருக்கச் சொல்லும் போலீஸ்!* சென்னை: 'கல்லூரியில் படிக்கும் உங்கள் மகள் குற்றம் செய்துவிட்டதாக கூறி, மொபைல் போனில் பேசும் நபர்களிடம் பெற்றோர் எச்சரிக்கையாக இருக்க வேண்டும்' என்று முன்னாள் டி.ஜி.பி. சைலேந்திர பாபு அறிவுறுத்தி உள்ளார். இப்போதைய இணைய உலகம்...  இம்சையான உலகம் என்று சொல்லலாம். காலம் சுருங்கிவிட்டாலும், கண்முன் நடக்கும் குற்றங்கள் என்னவோ குறையவில்லை. . தொழில்நுட்பம் வளர,வளர நுட்பமாக குற்றங்கள் தினுசு, தினுசாக உதயமாகிறது. அப்படி நிகழும் ஒரு குற்றங்களில் ஒரு வகை, அவற்றில் இருந்து தப்பியிருப்பது எப்படி என்று முன்னாள் டி.ஜி.பி. சைலேந்திர பாபு எச்சரிக்கை வீடியோ ஒன்றை வெளியிட்டு உள்ளார். அந்த வீடியோவில் அவர் கூறி உள்ளதாவது; கல்லூரியில் படிக்கும் மகள் பெயரை சொல்லி அவரின் தாயாருக்கு மொபைல் போனில் அழைப்பு வருகிறது. உங்கள் மகள் பாலியல் தொழில் செய்கிறார், கையும், களவுமாக பிடிபட்டார் என்று காவல்துறையில் இருந்து பேசுவதாக ஒருவர் கூறுகிறார். இதைக் கேட்டு தாய் மயங்கி விழுகிறார். சிறிதுநேரம் கழித்து மயக்கம் தெளிந்த பின்னர், அந்த குறிப்பிட்ட போன் நம்பரை தொடர்பு கொள்ளும் தாய், 'என்ன செய்ய வேண்டும்' என்று கேட்கிறார்.  'ஒரு லட்சம் ரூபாய் அனுப்புங்கள், எல்லாம் சரி செய்துவிடுகிறோம்' என்று மறுமுனையில் கூற. பணத்தை தாய் அனுப்புகிறார். பின்னர் தமது மகளுக்கு தாய் போன் செய்தபோது தான், அப்படி ஒரு சம்பவமே நடக்கவில்லை என்பதும், மோசடிப் பேர்வழிகள் தாயிடம் பொய்யான ஒரு சம்பவத்தை சொல்லி மிரட்டி, தாயிடம் பணம் பறித்திருப்பதும் தெரியவருகிறது. இதுபோன்ற சம்பவம் வேறு ஒரு தாயாருக்கு நிகழ்ந்திருக்கிறது.  'கல்லூரியில் படிக்கும் உங்கள் மகள் போதை பொருள் கடத்தி சிக்கிக் கொண்டுள்ளார், இதோ எங்கள் பக்கத்தில் தான் நின்றுகொண்டு அழுகிறார்' என்று கூறி போனில் ஏதோ ஒரு பெண்ணின் அழுகுரலை ஒலிக்க செய்கின்றனர்.  இதை கேட்ட தாய் அங்கேயே மாரடைப்பு வந்து இறந்துபோகிறார். இதுபோன்ற சம்பவங்கள் அண்மைக்காலமாக அரங்கேறி வருகிறது. உங்கள் மகள் கல்லூரியில் படித்துக் கொண்டிருந்தால் எச்சரிக்கையாக இருக்கவும்.  இப்படி ஏதேனும் ஒரு போன்கால் வந்தால் அதை சட்டை செய்ய வேண்டாம். இவ்வாறு சைலேந்திரபாபு அந்த வீடியோ பதிவில் கூறி தாய்மார்களை அலர்ட் செய்துள்ளார்.   திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

SpaceX- ன் ராக்கெட்டான Starship Flight5-ஐ விண்ணில் செலுத்திய பிறகு, அதை ஏவுவதற்கு பயன்படுத்திய பூஸ்டரை மீண்டும் ஏவுதளத்தில் லாவகமாக பிடித்து விஞ்ஞானிகள் புதிய சாதனை. வலைதளங்களில் பலரும் இதன் வீடியோவை பகிர்ந்து “என்னால் இதை நம்பவே முடியவில்லை” என ஆச்சரியத்துடன் பதிவு செய்து வருகின்றனர்