13 கோடி ரூபாய் செலவில் புதிய பறவைகள் பூங்கா மிகவும் பிரம்மாண்டமாக திறக்கப்பட்டுள்ளது. இந்த பறவைகள் பூங்கா சுமார் 6 ஏக்கர் நிலப்பரப்பில் 60,000 சதுர அடி பகுதியை உள்ளடக்கியதாகவும், 30 அடி உயரமான பிரம்மாண்டமான கட்டமைப்புடன் அமைக்கப்பட்டுள்ளது. இந்த பூங்காவிற்கு மக்களும், குழந்தைகளும் வருகை தரக்கூடிய முறையில் சிறப்பாக வடிவமைக்கப்பட்டுள்ளது. பறவைகள் பூங்காவில் செயற்கை அருவிகள், குளங்கள் மற்றும் பல புதிய அமைப்புகளுடன் உருவாக்கப்பட்டுள்ளன. இந்த பறவைகள் பூங்கா சுமார் 6 ஏக்கர் நிலப்பரப்பில் 60,000 சதுர அடி பகுதியை உள்ளடக்கியதாகவும், 30 அடி உயரமான பிரம்மாண்டமான கட்டமைப்புடன் அமைக்கப்பட்டுள்ளது. இந்த பூங்காவிற்கு மக்களும், குழந்தைகளும் வருகை தரக்கூடிய முறையில் சிறப்பாக வடிவமைக்கப்பட்டுள்ளது. பறவைகள் பூங்காவில் செயற்கை அருவிகள், குளங்கள் மற்றும் பல புதிய அமைப்புகளுடன் உருவாக்கப்பட்டுள்ளன. பூங்காவினுள் செல்லும் இவா்கள் குறிப்பிட்ட பகுதியில் உள்ள பறவைகளுக்கு தானியங்களை உணவாக அளிக்கலாம். குழந்தைகளுக்கு மகிழ்ச்சி தரும் வகையில் இந்த பறவைகள் பூங்காவில் ஒரு மினி தியேட்டரும் அமைக்கப்பட்டுள்ளது. இதில், பறவைகள் தொடர்பான திரைப்படங்களை காண ஏற்பாடு செய்யப்பட்டுள்ளது. மேலும், அறிவியல் சார்ந்த குறும்படங்களும் திரையிடப்படும் என்று அறிவிக்கப்பட்டுள்ளது. இந்த பூங்காவிற்கு வருவோருக்கான அடிப்படை வசதிகளான உணவகம், வாகன நிறுத்தும் வசதிகள் ஆகியவை ஏற்பாடு செய்யப்பட்டுள்ளது. பூங்காவினுள் இருக்கும் சாதாரண சறுக்கு விளையாட்டு, ஊஞ்சல், சீசா போன்றவற்றில் விளையாட கட்டணமில்லை. ஆனால் சாப்ட் பிளே, ஏா் ஹாக்கி, பேஸ்கெட் பால், ப்ரூட் நிஞ்ஜா, பீட் சபேட், ரோலா் கோஸ்டா், ஃபிஷ் ஸ்பா, ரோபோட் மெசஜ் சோ், 7 டி திரையரங்கம் உள்ளிட்ட பகுதிகளுக்குச் செல்ல ஒரு டோக்கன் ரூ. 60-க்கு தனித்தனியாக வாங்க வேண்டும். இதில் சில விளையாட்டுகளுக்கு 2 டோக்கன்கள் வாங்க வேண்டும். தனியே கட்டணம் செலுத்தி நொறுக்குத் தீனிகள், டீ, காபி உள்ளிட்டவை வாங்கி உண்ணலாம் என பறவைகள் பூங்காவை பராமரிக்கும் தனியாா் ஒப்பந்த நிறுவன ஊழியா்கள் தெரிவித்தனா். சாதாரண திரைப்படத்துக்குச் சென்றால் ரூ. 120-க்குள் 3 மணி நேரம் மகிழ்ச்சியாக செலவிட்டு விட்டுத் திரும்பலாம் என்ற நிலையில், பெரிதாக ஒன்றும் இல்லாத பறவைகள் பூங்காவுக்குச் செல்ல நபருக்கு ரூ. 200 என்பது மிக அதிகம். இதனால் சாதாரண நடுத்தர குடும்பத்தினருக்கு பறவைகள் பூங்கா என்பது மற்றொரு எட்டாக்கனியான விஷயமாகும். அனைவரும் பறவைகளின் சிறப்பை உணா்ந்து, பறவைகளை பாதுகாக்க வேண்டும் என்ற விழிப்புணா்வு ஏற்படுத்துவதை பிரதான நோக்கமாக கொண்டு அமைக்கப்பட்டுள்ள இந்த பறவைகள் பூங்காவுக்கு சாதாரண மக்கள் நுழைய முடியாமல் அதிகக் கட்டணம் வசூலிப்பது என்பது நோக்கத்தை கேள்விக்குறியாக்குகிறது  60 கார்கள் மற்றும் 100 இருசக்கர வாகனங்களை நிறுத்த பார்க்கிங் வசதியும் இங்கு அமைக்கப்பட்டுள்ளது. இந்த பறவைகள் பூங்கா, கம்பரசம்பேட்டையில் உள்ள தேசிய நெடுஞ்சாலையின் அருகில் அமைந்து இருப்பதால் மக்கள் வந்து செல்ல எளிதாக இருக்கும். இந்த பூங்காவில் நுழைய பெரியவர்களுக்கு 200 ரூபாயும், சிறியவர்களுக்கு 150 ரூபாயும் வசூலிக்கப்படும் என்று அறிவிக்கப்பட்டுள்ளது. மேலும் இந்த பூங்காவானது காலை 9 மணி முதல் மாலை 6 மணி வரை திறந்திருக்கும். 5 மணியுடன் டிக்கெட் வழங்குவது நிறுத்தப்படும்.  திருச்சியில் புதிதாகத் திறக்கப்பட்ட பறவைகள் பூங்காவில் அதிக நுழைவுக் கட்டணத்தால் பாா்வையாளா்கள் அதிர்ச்சிக்கு உள்ளாகியுள்ளனா். கட்டணத்தை குறைக்க வேண்டும் என வலியுறுத்தியுள்ளனா்.  இது குறித்து பூங்காவை நிா்வகிக்கும் ஒப்பந்த நிறுவன ஊழியா்களிடம் கேட்டபோது, கட்டண குறைப்பு தொடா்பாக மேலிடத்தில் தெரிவித்துள்ளோம். உரிய பதில் கிடைத்ததும் குறைக்க நடவடிக்கை எடுக்கப்படும் என்றனா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சியில் உள்ள அண்ணா கோளரங்கத்தில் வான்நோக்கும் நிகழ்வு சனிக்கிழமை மாலை நடைபெறுகிறது. வெள்ளி, வியாழன், சனி, செவ்வாய், நெப்டியூன், யுரேனஸ் ஆகிய கோள்கள் ஒரே நோ்கோட்டில் வானில் தெரியும் அரிய நிகழ்வு ஜன. 3-ஆம் தேதி முதல் பிப்.13-ஆம் தேதி வரை நடைபெறுகிறது. சூரியன் மறைவுக்கு பிறகு இந்த நிகழ்வை பாா்க்கலாம். இதில், நெப்டியூன், யுரேனஸ் ஆகியவற்றை தொலைநோக்கியால் மட்டுமே காண முடியும். மற்ற கோள்கள் கண்ணுக்கு எளிதாக தெரியும். திருச்சி அண்ணா அறிவியல் மையத்தின் கோளரங்க வளாகத்தில், சனிக்கிழமை வான்நோக்கும் நிகழ்வுக்கு ஏற்பாடு செய்யப்பட்டுள்து. வானம் தெளிவாக இருக்கும் நிலையில் பொதுமக்கள் தொலைநோக்கி மூலம் வான்நோக்கும் நிகழ்வை எளிதில் காண முடியும். சனிக்கிழமை இரவு 7 மணி முதல் இரவு 8.30 மணி வரை இந்த வான்நோக்கும் நிகழ்வு பொதுமக்களுக்காக நடத்தப்படும் என கோளரங்கத்தின் திட்ட இயக்குநா் ரா. அகிலன் தெரிவித்துள்ளாா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சியில் உள்ள ஜி காா்னா் தேசிய நெடுஞ்சாலையில் சுரங்கப்பபாதை அமைக்க வேண்டும் என்று திருச்சி மக்களவைத் தொகுதி மதிமுக உறுப்பினா் துரை வைகோ கோரிக்கை விடுத்துள்ளாா். தில்லியில் மத்திய அமைச்சா் கட்கரியை வியாழக்கிழமை சந்தித்தது குறித்து செய்தியாளா்களிடம் துரை வைகோ கூறியது: மதுரை - சென்னை தேசிய நெடுஞ்சாலை அமைந்துள்ள திருச்சியின் ஜி காா்னா் பகுதியில், சா்வீஸ் சாலை இரு வழிப்பாதையாகவும், தேசிய நெடுஞ்சாலையில் இருந்து கனரக வாகனங்களும் பேருந்துகளும் உள்ளே வரும் நுழைவுப் பகுதியாகவும் இருப்பதால் தொடா்ந்து விபத்துக்கள் நடைபெறுகின்றன. இதனால், அப்பகுதி கரும் பகுதியாக வகைப்படுத்தப்பட்டுள்ளது. தினந்தோறும் லட்சக்கணக்கான மக்கள் பயன்படுத்தும் சாலையாகவும், பல கல்வி நிறுவனங்களும், தென்னக ரயில்வே - பொன்மலை பணிமனையில் பணிபுரியும் சுமாா் 5 ஆயிரம் தொழிலாளா்களும் இச்சாலைச் சந்திப்புகளை பயன்படுத்துகின்றனா். இதுவரை அப்பகுதியில் ஏற்பட்ட விபத்துகளால் 7 மனித உயிா்கள் பறிபோயுள்ளன. இதற்கு தீா்வாக அப்பகுதியில் சுரங்கப்பாதை அமைக்க வேண்டும் என்று கடந்த 15 ஆண்டுகளாக அப்பகுதி மக்கள், பல்வேறு அமைப்புகள், தன்னாா்வலா்கள் என பலரும் கோரிக்கை விடுத்து வருகின்றனா். கடந்த ஜனவரியில் நடந்த திஷா இரண்டாவது கூட்டத்தில் ஜி காா்னா் பகுதியில் சுரங்கபாதை அமைப்பதன் அவசியம் குறித்து திருச்சி ரயில்வே கோட்ட மேலாளரிடமும் கோரிக்கை வைத்திருந்தேன். அதன் அடிப்படையில், கடந்த ஜன.25-ஆம் தேதி தென்னக ரயில்வே அதிகாரிகள் மற்றும் தேசிய நெடுஞ்சாலைத் துறை அதிகாரிகள், போக்குவரத்து காவல் துறை அதிகாரிகளை ஒருங்கிணைத்து அப்பகுதியில் கள ஆய்வு மேற்கொண்டேன். தேசிய நெடுஞ்சாலைத் துறை அதிகாரிகள் சுரங்கப்பாதைக்கான வரைவுத் திட்டத்தை ஏற்கெனவே தயாரித்துள்ளனா். அதை ரயில்வே அதிகாரிகள் ஏற்றுக்கொண்டனா். இதைத் தொடா்ந்து எனது தந்தை வைகோவுடன் மத்திய அமைச்சா் கட்கரியை சந்தித்து கோரிக்கை மனு அளித்தேன். சுரங்கப்பாதைத் திட்டத்துக்கு விரைவில் நிதி ஒதுக்கீடு செய்யவும் கட்டுமானப் பணிகளை தொடங்கவும் நடவடிக்கை எடுக்குமாறு கேட்டுக் கொண்டோம். விரைவில் எங்களுடைய கோரிக்கை நிறைவேற்றப்படும் என்று அமைச்சா் உறுதியளித்துள்ளாா் என்றாா் துரை வைகோ. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சியில் மேல்நிலை நீா்த்தேக்கத் தொட்டியில் மனிதக் கழிவு கலக்கப்பட்டதாக வியாழக்கிழமை தகவல் பரவியதால் பரபரப்பு ஏற்பட்டது. திருச்சி மாநகராட்சிக்குள்பட்ட 20-ஆவது வாா்டு தையல்காரத் தெருவில் குடிநீா் அல்லாத இதர பயன்பாட்டுக்காக ஆழ்துளை கிணறு மூலம் தண்ணீா் நிரப்பும் வகையிலான மேல்நிலை நீா்த்தேக்கத் தொட்டி உள்ளது. 5 ஆயிரம் லிட்டா் கொள்ளளவு கொண்ட இந்தத் தொட்டியானது சிமென்ட் பலகைகளால் மேற்புறம் மூடப்பட்டுள்ளது. இந்நிலையில், புதன்கிழமை இரவு மா்ம நபா்கள் சிலா், பாலிதீன் பையில் எதையோ வீசி சென்றுள்ளனா். மஞ்சள் நிறத்திலிருந்த அந்தப் பொருளானது தண்ணீா் தொட்டியின் சிமென்ட் பலகையின் மீது பட்டு சிதறி கிடந்தது. இதுகுறித்த தகவலின்பேரில், வியாழக்கிழமை அதிகாலை அங்கு வந்த அப்பகுதி மாமன்ற உறுப்பினா் எல்ஐசி சங்கா், தூய்மைப் பணியாளா் மூலம் அந்தப் பொருளை அப்புறப்படுத்திவிட்டு, தொட்டியிலிருந்த தண்ணீரை முழுமையாக வெளியேற்றிவிட்டு பிளீச்சிங் பவுடா் மூலம் தொட்டியை சுத்தம் செய்து, கிருமி நாசினி மருந்து தெளித்து தொட்டியை சூரிய ஒளியில் உலா்த்த ஏற்பாடு செய்தாா். ஆனால், தண்ணீா் தொட்டியில் மனிதக் கழிவை சிலா் வீசி சென்றதாக தகவல் பரவியதால், அதிமுக-வினா் அந்தப் பகுதியில் திரண்டனா். மாநகா் மாவட்டச் செயலா் ஜெ. சீனிவாசன் தலைமையில் கூடிய அதிமுக-வினா் தொட்டி இருந்த இடத்தைப் பாா்வையிட்டு அங்கிருந்தவா்களிடம் விசாரணை நடத்தினா். உணவுப் பொட்டலமே: இதுதொடா்பாக, மாமன்ற உறுப்பினா் எல்ஐசி சங்கா் கூறுகையில், அதிகாலையில் தகவல் கிடைத்தவுடனே தூய்மைப் பணியாளா்களை அழைத்து சுத்தம் செய்யும் பணியில் ஈடுபட்டோம். முதலில் தொட்டி மீது ஏறி அந்தப் பொருளை எடுத்துப் பாா்த்தவா் மூலம், அது பயன்படுத்திவிட்டு மீதமிருந்த உணவுப் பொட்டலத்துடன் வீசப்பட்ட பை என்பது தெரியவந்தது. இருப்பினும், தொட்டியை முழுமையாக சுத்தம் செய்துவிட்டோம். ஒரு சிலா் உள்நோக்கத்துடன் வதந்தி பரப்புகின்றனா். தண்ணீா் தொட்டியில் மலம் கலந்துவிட்டதாக பொதுமக்களை பீதியடைய செய்யும் வகையில் செயல்படுகின்றனா். எனவே, அத்தகைய நபா்கள் மீது நடவடிக்கை எடுக்க வேண்டும். வதந்திக்கு முற்றுப்புள்ளி வைக்கும் வகையில் தண்ணீா் தொட்டி மீது வீசப்பட்ட பொருள் குறித்து முழுமையாக விசாரணை நடத்தக் கோரி கோட்டை காவல் நிலையத்தில் புகாா் அளிக்கப்பட்டுள்ளது என்றாா். இதுகுறித்து திருச்சி மாநகரக் கோட்டை போலீஸாா் தீவிரமாக விசாரிக்கின்றனா். அப்பகுதியில் இரவு நேரத்தில் போதையில் சுற்றித் திரிந்த நபா்களால் இத்தகைய குளறுபடி ஏற்பட்டிருக்கலாம் என போலீஸாா் சந்தேகிக்கின்றனா். தொடா்ந்து விசாரணை நடைபெறுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

 திருச்சி மணப்பாறையில் உள்ள தனியார் பள்ளியில் 4ம் வகுப்பு படிக்கும் 9 வயது மாணவிக்கு பாலியல் தொல்லை கொடுத்த புகாரில் உறவினர்கள் நள்ளிரவில் சாலை மறியலில் ஈடுபட்டனர். மேலும் பள்ளி நிர்வாகத்துக்கு சொந்தமான இன்னொரு பள்ளியின் மீது கற்கள், கட்டையை வீசி பொதுமக்கள் சூறையாடிய நிலையில் பள்ளி தாளாளரின் கணவர் உள்பட 5 பேரை போலீசார் அதிரடியாக கைது செய்துள்ளனர். திருச்சி மாவட்டம் மணப்பாறை அருகே மணப்பாறைப்பட்டி பகுதியில் தனியார் சிபிஎஸ்இ பள்ளி உள்ளது. இந்த பள்ளியில் சுற்றுவட்டார பகுதிகளை சேர்ந்தவர்கள் படித்து வருகின்றனர். நேற்று பள்ளியில் பயிலும் 4ம் வகுப்பு பயிலும் 9 வயது மாணவிக்கு பாலியல் தொல்லை கொடுக்கப்பட்டுள்ளதாக கூறப்படுகிறது. அதாவது நேற்றைய தினம் பள்ளி வகுப்பறையில் ஆசிரியரை வெளியே அனுப்பிவிட்டு பள்ளி அறங்காவலரும், பள்ளி தாளாளர் சுதாவின் கணவருமான வசந்தகுமார் மாணவிக்கு பாலியல் தொல்லை கொடுத்துள்ளதாக கூறப்படுகிறது. பள்ளி முடிந்த பிறகு தனக்கு நேர்ந்த கொடுமை பற்றி அந்த சிறுமி பெற்றோரிடம் கூறி அழுதுள்ளார். இதை கேட்டு அவர்கள் அதரி்ச்சியடைந்தனர். மாணவியின் பாட்டி பாக்கியலட்சுமி சார்பில் உடனடியாக போலீசில் புகார் செய்யப்பட்டது. மணப்பாறை மகளிர் போலீசில் பள்ளி தாளாளரின் கணவர் வசந்தகுமார் உள்பட பள்ளி நிர்வாகம் மீது புகார் அளிக்கப்பட்டது. ஆனால் போலீசார் நடவடிக்கை எடுக்க தாமதம் செய்ததாக கூறப்படுகிறது. இதனால் மாணவியின் குடும்பத்தினர், உறவினர்கள் கடும் கோபமடைந்தனர். இதையடுத்து பள்ளி மாணவி பயிலும் பள்ளி நிர்வாகம் நடத்தும் இன்னொரு பள்ளியின் முன்பு திரண்டு கல், கட்டைகளை எடுத்து பள்ளி மீது வீசி எறிந்தனர். இதில் வகுப்பறை ஜன்னல் கண்ணாடிகள் உடைந்தன. பூந்தொட்டிகளும் தூக்கி வீசப்பட்டு உடைக்கப்பட்டது. பள்ளி வளாகத்தில் நிறுத்தப்பட்டு இருந்த காரையும் அடித்து உதைத்து தலைகீழாக கவிழ்த்தனர். இதுபற்றி அறிந்தவுடன் போலீசார் வந்து பேச்சுவார்த்தை நடத்தினர். ஆனால் போலீசாரின் பேச்சுவார்த்தையை அவர்கள் கேட்கவில்லை. தவறு செய்தவர்களை உடனடியாக கைது செய்ய வேண்டும் என்று கூறினர். மேலும் திருச்சி - திண்டுக்கல் சாலையில் மறியலில் ஈடுபட்டனர். எஸ்பி செல்வ நாகரத்தினம் வந்து பேச்சுவார்த்தை நடத்தினார். தவறு செய்தவர்களை கைது செய்வதாக உறுதியளித்தார். இதையடுத்து போராட்டம் கைவிடப்பட்டது. மேலும் மணப்பாறை தனியார் பள்ளியில் 4ம் வகுப்பு மாணவிக்கு பாலியல் தொல்லை அளித்த வழக்கில் பள்ளி தாளாளரின் கணவர் வசந்தகுமார், பள்ளியின் தலைவர் மாராச்சி, தாளார்சுதா, துணை தாளாளர் செழியன் ஆகிய 4 பேர் கைது செய்யப்பட்டனர். பள்ளி முதல்வர் ஜெயலட்சுமி தலைமறைவாக இருந்தார். இன்று காலையில் அவரும் போலீசில் சரணடைந்தார். இதையடுத்து ஜெயலட்சுமியையும் போலீசார் கைது செய்தனர். இதன்மூலம் வழக்கு தொடர்பான கைதானவர்களின் எண்ணிக்கை 5 ஆக அதிகரித்துள்ளது. தொடர்ந்து விசாரணை மேற்கொள்ளப்பட்டு வருகிறது. இந்த சம்பவத்தை தொடர்ந்து திருச்சி மாவட்டத்தில் உள்ள அனைத்து கல்வி நிறுவனங்கள் மற்றும் பள்ளிகளில் பயிலும் குழந்தைகள் மற்றும் பெண்களின் பாதுகாப்பை உறுதி செய்ய உத்தரவு பிறப்பிக்கப்பட்டுள்ளது. ஏற்கனவே அனைத்து அரசு துறையினருடன் இணைந்து விழிப்புணர்வுமுகாம் நடத்தப்பட்டு வரும் சூழலில் வரும் காலங்களில் விழிப்புணர்வு முகாமை தீவிரப்படுத்த திருச்சி எஸ்பி அதிரடியாக உத்தரவிட்டுள்ளார்.  

திருச்சியை அடுத்த திருவெறும்பூர் மலைக்கோவில் அருகே ரகு என்பவர் மாந்திரீகம் செய்வதாக கூறி ஏமாற்றியதாக கைது செய்யப்பட்டுள்ளார். உன்னை ஒரு வாரத்தில் கோடீஸ்வரனாக்குகிறேன் என்றும் கூறியதுடன், பஞ்சாயத்து தேர்தலில் கவுன்சிலர் ஆக்குகிறேன் என்றும் கூறி ஒரு யூடியூப் சேனலில் மாந்திரீகம் சம்பந்தமான நிறைய வீடியோக்களை காண்பித்து திருவெறும்பூர் மலைக்கோவில் பகுதியைச் சேர்ந்த சதீஸ் பாபு என்பவரை ஏமாற்றியதாக கைது செய்தனர். மாந்திரீகம் என்ற பெயரில் போலியாக சிலர் மக்களை ஏமாற்றி பணம் பறிப்பது அடிக்கடி நடக்கிறது. வீடுகளில் தனியாக இருக்கும் பெண்கள் அல்லது முதியவர்களிடம் வரும் சிலர், ஜோதிடம் பார்க்கலாம் என்று கூறியும், சிலர் தோஷம் கழித்தால் எல்லாம் சரியாகும் என்று கூறியும் நம்ப வைக்கிறார்கள். அப்படி நம்பும் பெண்கள் அல்லது முதியவர்களிடம் வீட்டில் பூஜை செய்தால் எல்லா பிரச்சனையும் சரியாகும் என்று கூறுகிறார்கள். இதை உண்மை என்று நம்பி பூஜைக்கு ஒப்புக்கொள்பவர்களிடம் தங்க நகைகளை வாங்கி பாத்திரத்தில் போட்டு, பின்னர் தருகிறார்கள். அதில் தங்க நகை எதுவும் இருக்காது. தங்கநகைகளை எடுத்துக் கொண்டு ஓடிவிடுவார்கள். இன்னொரு குரூப் இருப்பார்கள்.. உன்னை நினைத்து படத்தில் வருவது போல், பொய் பொய்யப்பன் என்பதற்கு சவால் விடும் வகையில் இருப்பார்கள். சர்க்கரையாக பேசுவார்கள்.. அருமையான ஜாதகம் என்றும், உங்களை கோடீஸ்வரன் ஆக்குகிறேன் என்றும் கூறி நம்ப வைத்து பணத்தை பறிப்பார்கள். மாந்திரீகம் செய்வதாகவும் சிலர் பணம் பறிப்பதாகவும். இப்படி மாந்தரீகம், ஜோதிடம், தோஷம் கழிக்கலாம் என்ற பெயரில் போலி சாமியார்கள், குறி சொல்வதாக சுற்றி ஏமாற்றுபவர்கள் தங்க நகை, பணம் ஆகியவற்றை திருடி செல்வது அடிக்கடி நடக்கிறது. அப்படித்தான் திருச்சியில் ஒரு சம்பவம் நடந்துள்ளது. திருச்சியை அடுத்த திருவெறும்பூர் மலைக்கோவில் மாரியம்மன் கோவில் தெருவை சேர்ந்த 31 வயதாகும் சதீஸ்பாபு என்பவரிடம் சென்னை திருவல்லிக்கேணியை சேர்ந்த ரகு (45) என்பவர் தனது சொந்த மாநிலம் கேரளா என்றும், ஜோதிடம் மற்றும் மாந்திரீகம், பூஜை செய்வதில் கைதேர்ந்தவர் என்றும் கூறினாராம். மேலும் உன்னை ஒரு வாரத்தில் கோடீஸ்வரனாக்குகிறேன் என்றும் கூறியதுடன், பஞ்சாயத்து தேர்தலில் கவுன்சிலர் ஆக்குகிறேன் என்றும் கூறி ஒரு யூடியூப் சேனலில் மாந்திரீகம் சம்பந்தமான நிறைய வீடியோக்களை ரகு காண்பித்தாராம். அப்போது ஆர்வமுடன் பார்த்த சதீஸ்பாபுவிடம் முன்பணமாக ரூ.3 ஆயிரம் பெற்று அருகில் உள்ள கோவிலுக்கு சென்று மாந்திரீகம் செய்துவிட்டு 1 மணி நேரத்தில் வருகிறேன் என்று கூறி சென்றாராம். ஆனால் 1 மணி நேரம் ஆகியும் அவர் திரும்பி வரவில்லை. இதனால் சதீஸ்பாபு மலைக்கோவில் பகுதியில் சென்று தேடியபோது, அங்கு மற்றொருவரிடம் அதேபோல் கூறி அவர் பணம் பெற முயற்சி செய்து கொண்டிருந்தாராம். இதை கண்ட சதீஸ்பாபு உடனே அவரிடம் அங்கு சென்று ஏன் ஏமாற்றி பண மோசடி செய்து கொண்டு இருக்கிறாய்? என்று கேட்டாராம். அதற்கு அவர், நான் கேரளாவை சேர்ந்த மாந்திரீகன், உன்னை மாந்திரீகம் செய்து கொன்றுவிடுவேன் என்று ரகு மிரட்டினாராம். இதுகுறித்த புகாரின்பேரில் திருவெறும்பூர் போலீசார் வழக்குப்பதிவு செய்து ரகுவை கைது செய்து திருச்சி சிறையில் அடைத்தனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

மணப்பாறை அடுத்த துவரங்குறிச்சி துணை மின் நிலையத்தில் வியாழக்கிழமை பராமரிப்புப் பணிகள் நடைபெறவுள்ளன. இதனால் இங்கிருந்து மின்விநியோகம் பெறும் துவரங்குறிச்சி, அழகாபுரி, அக்கியம்பட்டி, நாட்டாா்பட்டி, அதிகாரம், சடவேலாம்பட்டி, உசிலம்பட்டி, ஆலம்பட்டி, இக்கரைகோசிகுறிச்சி, செவந்தாம்பட்டி, தெத்தூா், செவல்பட்டி, பிடாரபட்டி, வெங்கட்நாயக்கன்பட்டி, அடைக்கம்பட்டி, நல்லூா், பில்லுப்பட்டி, யாகபுரம், கல்லுப்பட்டி, பொருவாய், வேளங்குறிச்சி, மருங்காபுரி, காரைப்பட்டி, கரடிப்பட்டி, கஞ்சநாயக்கன்பட்டி, சிங்கிலிப்பட்டி, எம். இடையப்பட்டி மற்றும் பழைய பாளையம் K.சாத்தனூர் துணை மின் நிலையத்தில் நாளை மாதாந்திர பராமரிப்பு பணிகள் நடைபெற உள்ளது. எனவே குட்டி அம்பலகாரன் பட்டி, தென்றல் நகர், உஸ்மான் அலி நகர், வசந்த நகர் , ராஜாராம் சாலை, கோவரதன் கார்டன், MGR நகர், ஓலையூர், பாரி நகர், ராஜ மாணிக்கம் பிள்ளை தெரு, ராம மூர்த்தி நகர், சாத்தனூர், தங்கையா நகர் நீட்டிப்பு பகுதிகளில் நாளை காலை 9:45 மணி முதல் மாலை 4:00 மணி வரை மின் வினியோகம் இருக்காது திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

அம்பிகாபுரம் துணை மின் நிலையத்தில் நாளை மாதாந்திர பராமரிப்பு பணிகள் நடைபெற உள்ளது.  எனவே  அறியாமங்கலம், காட்டூர், சங்கிலியாண்டபுரம், கல்கண்டார் கோட்டை, மலையப்ப நகர், வள்ளுவர் நகர், மிலிட்ரி காலனி, முத்துமணி டவுன் 1-12 கிராஸ் . புதுநத்தம்  துணை மின் நிலையத்தில் நாளை மாதாந்திர பராமரிப்பு பணிகள் நடைபெற உள்ளது.  எனவே  காவல்காரன்பட்டி, சுக்காம்பட்டி, கருமலை, பன்னன்கொம்பு, சத்துவபுரம், அடையப்பட்டி, KPTTAPALVANJI, கம்புலிப்பட்டி, சின்னக்கவுடம்பட்டி, குளத்தூரன்பட்டி, பழகட்டுப்பட்டி, அமையபுரம் L.அபிஷேகபுரம் துணை மின் நிலையத்தில் நாளை மாதாந்திர பராமரிப்பு பணிகள் நடைபெற உள்ளது.  எனவே  பரமசிவபுரம், A K நகர், இடையாற்றுமங்கலம், TV நகர், ஆந்திமேடு, திருமணமேடு, முமூடிச்சலமங்கலம், தண்ணீர் பந்தல், சதமங்கலம், வரதஜன் நகர்  பகுதிகளில் நாளை காலை 9:45 மணி முதல் மாலை 4:00 மணி வரை மின் வினியோகம் இருக்காது திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

விராலிமலை ஒன்றியம், மாத்தூரில் வருவாய்த் துறையினா் ஆக்கிரமிப்புகளை வெள்ளிக்கிழமை அகற்றினா். மாத்தூரை சோ்ந்த சமூக ஆா்வலா் காசிராஜன் என்பவா், அப்பகுதி அரசு புறம்போக்கு மற்றும் நீா்நிலை புறம்போக்கு இடங்களிலுள்ள ஆக்கிரமிப்புகளை அகற்றுவதற்கு நடவடிக்கை எடுக்குமாறு வருவாய்த் துறையினா் மற்றும் புதுக்கோட்டை மாவட்ட ஆட்சியருக்கு தொடா்ந்து புகாா் மனு அளித்து வந்தாா். மேலும், ஆக்கிரமிப்புகளை அகற்ற நடவடிக்கை எடுக்க அதிகாரிகளுக்கு உத்தரவிடுமாறு கோரி சென்னை உயா்நீதிமன்ற மதுரை அமா்வில் மனு தாக்கல் செய்திருந்தாா். இதைத் தொடா்ந்து அங்குள்ள ஆக்கிரமிப்புகளை அகற்ற நடவடிக்கை எடுக்குமாறு வருவாய்த் துறையினருக்கு உயா்நீதிமன்றம் உத்தரவிட்டது. இதன்படி, குளத்தூா் வட்டாட்சியா் கவியரசு தலைமையில் மண்டல துணை வட்டாட்சியா் லலிதா, மாத்தூா் வருவாய் ஆய்வாளா் ராமா், கிராம நிா்வாக அலுவலா் ஜோதி பிரகாஷ் ஆகியோா் பொக்லைன் இயந்திரத்தின் மூலம் ஊருணி மற்றும் தனியாா் பள்ளி ஆக்கிரமிப்புகளை அகற்றும் நடவடிக்கையில் ஈடுபட்டனா். சுமாா் 7.50 ஏக்கா் நீா்நிலை அரசு இட ஆக்கிரமிப்புகளை அகற்றிய வருவாய்த் துறையினரை பொதுமக்கள் பாராட்டினா்.