திருச்சி கன்டோன்மென்ட்டில் உள்ள செயின்ட் ஜான்ஸ் வெஸ்ட்ரி ஆங்கிலோ இந்தியன் பள்ளி மைதானத்தில் செப்டம்பர் 27 (வெள்ளிக்கிழமை) முதல் அக்டோபர் 6 ஆம் தேதி வரை திருச்சி புத்தகக் கண்காட்சியை மாவட்ட நிர்வாகம் நடத்துகிறது. மத்திய பேருந்து நிலையத்திற்கு அருகாமையில் இருப்பதால் மாவட்டத்தின் பிற பகுதிகளில் இருந்தும் மக்கள் வந்து செல்லும் வகையில் வெஸ்ட்ரி பள்ளி மைதானம் தேர்வு செய்யப்பட்டது. இந்த ஆண்டு, புத்தகம் படிக்கும் பழக்கத்தை ஊக்குவிக்கும் வகையில் குழந்தைகள் மற்றும் மாணவர்களுக்கான பிரத்யேக இடம் புத்தக கண்காட்சியில் உள்ளது. பொதுமக்கள் தங்கள் வாழ்க்கையைப் பாதித்த புத்தகத்தைப் பற்றிக் குறிப்பிட்டு, 'என்னை மேம்படுத்திய ஒரு வாசிப்பு' என்ற தலைப்பில் ஒரு கட்டுரை எழுதுமாறு கேட்டுக்கொள்ளப்பட்டனர். கட்டுரை நான்கு பக்கங்களைக் கொண்டிருக்க வேண்டும் மற்றும் செப்டம்பர் 22 க்கு முன் அருகிலுள்ள நூலகங்களில் சமர்ப்பிக்கப்பட வேண்டும். மாணவர்களிடையே புத்தகம் படிக்கும் பழக்கத்தை வளர்க்கவும், வாசிப்பு பழக்கத்தை வளர்க்கவும் பொதுமக்களுக்கு போட்டிகள் நடத்தப்படும் என மாவட்ட நிர்வாகம் அறிவித்துள்ளது. ஒரு தேர்வுக் குழு மற்றும் தாலுகா அளவிலான நூலகர்கள் சமர்ப்பிப்புகளை மதிப்பாய்வு செய்து முதல் மூன்று உள்ளீடுகளை இங்குள்ள மேற்கு பவுல்வர்டு சாலையில் உள்ள மாவட்ட மைய நூலகத்திற்கு அனுப்புவார்கள். 10,000, 5,000 மற்றும் ரூ. 3,000 ரொக்கப் பரிசுகளை முறையே முதல் மூன்று இடங்களுக்கு வழங்குவதற்காக மூன்று சிறந்த எழுதப்பட்ட கட்டுரைகளைத் தேர்ந்தெடுக்க, தேர்ந்தெடுக்கப்பட்ட கட்டுரைகள் மாவட்ட அளவிலான குழுவால் மேலும் மதிப்பாய்வு செய்யப்படும். விழா நடைபெறும் இடத்தை மாவட்ட ஆட்சியர் பிரதீப்குமார் செவ்வாய்க்கிழமை பார்வையிட்டு முன்னேற்பாடுகளை பார்வையிட்டார். மைதானத்தில் தற்காலிக கடைகள் கட்டப்பட்டு வருகின்றன. பின்னா், ஆட்சியா் மா. பிரதீப்குமாா் செய்தியாளா்களிடம் கூறியது: புத்தகத் திருவிழாவை செப். 27ஆம் தேதி மாலை அமைச்சா்கள் கே.என். நேரு, அன்பில் மகேஸ் பொய்யாமொழி ஆகியோா் தொடங்கி வைக்கின்றனா். நிகழ்வில் 150-க்கும் மேற்பட்ட பதிப்பாளா்கள் கலந்து கொள்கின்றனா். அனைத்து வகையான வாசகா்களையும் திருப்திப்படுத்தும் வகையில் புத்தக அரங்குகள் அமைக்கப்படுகிறது. குழந்தைகள், சிறுவா்களுக்கான அரங்குகள் பெற்றோா்களுக்கு ஓா் அரிய வாய்ப்பாக அமையும். விடுதலைப்போரில் தமிழகத்தின் பங்களிப்பு குறித்த அரங்கு, கீழடி தொல்லியல் ஆய்வு குறித்து அரங்கு, திருச்சி மாவட்டத்தின் சிறப்புகளைக் கூறும் அரங்கு, திருச்சி மாவட்ட எழுத்தாளா்கள் அரங்கு, சிறுவா் சினிமா மற்றும் மகளிருக்கான அரங்கு எனப் பன்முகத் தன்மை கொண்ட அரங்குகள் அமைக்கப்படுகின்றன. அண்ணா கோளரங்கத்தின் அரங்கும் இடம்பெறவுள்ளது. இவைத்தவிர நாள்தோறும் கலை நிகழ்ச்சிகள் நடைபெறும். கண்காட்சியின் போது பிரபல பேச்சாளர்கள், தமிழ் கவிஞர்கள் மற்றும் வரலாற்றாசிரியர்கள் தினமும் மாலையில் பொதுமக்களிடம் உரையாற்றுவார்கள். மாவட்டம் முழுவதும் திருவிழா குறித்த விழிப்புணா்வு நிகழ்ச்சிகளும், பிரசாரங்களும் முன்னெடுக்கப்பட்டு வருகின்றன. வா்த்தக நிறுவனத்தினரும் தங்களது நிறுவனத்தால் வழங்கப்படும் பொருள்களில், பைகளில் புத்தகத் திருவிழா குறித்த தகவல்களை இடம் பெறச் செய்து வழங்கி வருகின்றனா்என்றாா் ஆட்சியா்.

மாண்புமிகு நகராட்சி நிருவாகத்துறை அமைச்சர் திரு.கே என் நேரு அவர்கள் திருச்சிராப்பள்ளி ரயில்வே ஜங்சன் பழைய மேம்பாலத்தை அகற்றி புது மேம்பாலம் கட்டும் பணிகள் நடைபெறவுள்ளதை தொடர்ந்து போக்குவரத்து மாற்றம் செய்வது தொடர்பாக இன்று தள ஆய்வு மேற்கொண்டு அலுவலர்களுக்கு ஆலோசனைகளை வழங்கினார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

பஞ்சப்பூரில் ஆம்னி பேருந்து நிலையம் அமைக்க முதலமைச்சர் மு.க.ஸ்டாலின் உத்தரவு! திருச்சிராப்பள்ளி அருகே பஞ்சப்பூரில் புதிய பேருந்து நிலையங்கள் அமைக்க நிர்வாக அனுமதி வழங்கப்பட்டுள்ளது தமிழ்நாடு சட்டப் பேரவையில் நகராட்சி நிர்வாகத் துறை அமைச்சர் கே.என்.நேரு நகராட்சி நிர்வாகம் மற்றும் குடிநீர் வழங்கல் துறையின் 2022-2023-ஆம் ஆண்டிற்கான மானியக் கோரிக்கையின் போது சில மாநகராட்சிகள் மற்றும் நகராட்சிகளில் புதிய பேருந்து நிலையங்கள் கட்டப்படும் என அறிவித்திருந்தார். பஞ்சப்பூரில் தனியார் சொகுசு பேருந்து நிலையம் (Omni Bus Stand) சுமார் 4 ஏக்கர் பரப்பளவில் அமையவுள்ளது. இப்பேருந்து நிலையம், சுமார் 30,849 சதுரடி பரப்பளவிலான இரண்டு பேருந்து நடைமேடைகளுடன் 82 பேருந்துகளை கையாளும் வசதியுடன் 37 எண்ணிக்கையிலான இயக்கப்படும் பேருந்து நிறுத்த தடங்களுடன் மற்றும் 45 எண்ணிக்கையிலான காத்திருப்பு பேருந்து நிறுத்த தடங்களுடன் மொத்தம் 1,42,945 சதுரடி பரப்பளவில் அமையவுள்ளது. இதற்கு தமிழ்நாடு முதலமைச்சர் மூலதன மானிய நிதி – இயக்குதல் மற்றும் பராமரிப்பு நிதியின் கீழ் ரூ.17.60 கோடி மதிப்பீட்டில் நிர்வாக அனுமதி வழங்கி ஆணையிட்டுள்ளார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

  சம்பளம்: ₹14,500 + Travelling Allowance இரு சக்கர வாகனம் கண்டிப்பாக  அவசியம் தகுதி: 12வது தேர்ச்சி மற்றும் ஏதேனும் பட்டம் ஆவணங்கள் தேவை: புதுப்பிக்கப்பட்ட Resume KYC-ஆதார் அட்டை, பான் கார்டு 10, 12 மதிப்பெண் &பட்டப்படிப்பு சான்றிதழ் OPEN POSITION Relationship Executive - Small Enterprises Business Loan (Induviual Loan வேலை இடம் -திருச்சி • ஸ்ரீரங்கம்  • KK நகர் • பொன்னகர் • காட்டூர் • உறையூர்  • லால்குடி  தொடர்புக்கு: சுவேந்து பகுதி மேலாளர் - 6369148056 உங்கள் CV ஐ AMIL.PONNAGAR@BANDHANBANK.COM க்கு அனுப்பவும்

உலகப் பணத்தாள்கள், நாணயங்கள், தபால் தலைகள், பழங்கால பொருட்கள் கண்காட்சி-2024 செப்டம்பர் 20, 21& 22 ஆகிய தேதிகளில் நடைபெறுகிறது. பள்ளி, கல்லூரி மாணவ, மாணவிகள் மற்றும் பொதுமக்கள் அனைவரும் உலகப் பணத்தாள்கள், நாணயங்கள், தபால் தலைகள் வரலாற்றினை ஒரே இடத்தில் அறிந்து கொள்ளும் வகையில், திருச்சி பணத்தாள்கள் சேகரிப்போர் சங்கம் கற்காலம் முதல் கணினி காலம் வரை காசு, துட்டு, மணி மணி என பணத்தின் பரிமாண வளர்ச்சியினை உலகப் பணத்தாள்கள், நாணயங்கள், தபால் தலைகள் மற்றும் பழம் பொருட்கள் கண்காட்சி மூலம் இன்றைய தலைமுறையினர் அறிந்து கொள்ளும் வகையில் திருச்சி மத்திய பேருந்து நிலையம், பெமினா ஹோட்டல் அருகே உள்ள ஸ்ரீநிவாசா ஹாலில் 2024 செப்டம்பர் 20,21, 22 தேதிகளில் காலை 10 மணி முதல் இரவு 8 மணி வரை கண்காட்சியினை நடத்துகிறது. பார்வையாளர்கள் அனைவருக்கும் அனுமதி இலவசம் என அறிவிக்கப்பட்டுள்ளது. காசு, பணத்தாள்கள், காசோலை, வரைவோலை, கிரடிட் கார்டு, டெபிட் கார்டு, பண வடிவ மற்ற பிட்காய்ன்கள் என பணம் பல வடிவ மாற்றங்களில் பயன்பாட்டில் உள்ளது. அர்ஜென்டினா, அர்மேனியா, ஆஸ்டிரியா, அல்ஜீரியா, ஆஸ்திரேலியா, ஆப்கானிஸ்தான், பல்கேரியா, பஹ்ரைன், புரூனே, போஸ்னியா , பகாமாஸ், பங்களாதேஷ், பூட்டான், பெல்ஜியம், பிரேசில், பர்படாஸ், செக்கோஸ்லோவாகியா, கேமன் தீவு, சைனா, கேப் வெர்டி, கனடா, சைப்ரஸ், இங்கிலாந்து, ஜெர்மணி, எத்தியோப்பியா, எகிப்து, கோஸ்டோரிகா, செக் குடியரசு , டென்மார்க், கிழக்கு கரீபியன் தீவு, பல்க் தீவு, பின்லாந்து, பிரான்ஸ், பிஜு தீவு, கேம்பியா, கிரீஸ், ஜப்பான், ஜெர்சினி, ஹாங்காங், ஹோண்டுராஸ், ஹங்கேரி, அயர்லாந்து, இந்தோனேசியா, ஈராக், இஸ்ரேல், இத்தாலி, ஈரான், ஐஸ்லாந்து, ஜமைக்கா, ஜோர்டான், ஜெர்சி, கஜஹஸ்திஸ்தான், குவைத் , லெபனான், லித்துவேனியா , முராக்கோ, மெக்சிகோ, மாலதீவு, மலேசியா, நேபாளம், நெதர்லாந்து, ஓமன், போர்ச்சிகல், பனாமா, பிலிப்பைன்ஸ், கத்தார், ரஷ்யா, சிங்கப்பூர், சவுதி அரேபியா, சிரியா, தாய்லாந்து, உகாண்டா உள்ளிட்ட 200 உலக நாடுகளின் நாணயங்கள், பணத்தாள்கள் மற்றும் தபால் தலைகளை ஒரே இடத்தில் காட்சிப்படுத்தி அதன் வரலாறு, பண்பாடு, கலாச்சாரம், பொருளாதாராம் குறித்து எடுத்துரைக்கின்றனர். நாணயக் கண்காட்சியில் பிரிட்டிஷ், இந்தியா நாணயங்களில் வில்லியம் IV (1830-1837) , ராணி விட்டோரியா (1834-1901) , எட்வர்டு VII (1901-1910), ஜார்ஜ் V (1911-1936) , ஜார்ஜ் VI (1936- 1947), உள்ளிட்ட ஆண்டுகளில் வெளியான 1/12, 1/2 , 1, 2, 4,8 அணா, பைசா, காலணா, ஒரு பைசா, அரையனா உள்ளிட்ட மதிப்பிலான செம்பு, பித்தளை, நிக்கல், வெள்ளி, உள்ளிட்ட உலோகங்களில் சதுரம், வட்டம், அறுகோண வடிவங்களில் உள்ள நாணயங்கள் காட்சி படுத்தப்படுகின்றன. மேலும் குடியரசு இந்தியாவில் பொது பயன்பாடு நாணயங்களும், நினைவு நாணயங்களும் காட்சிப்படுத்தப் படுகின்றன. இது மட்டுமல்லாமல் சோமாலியா நாட்டில் வெளியிட்ட கிடார் இசைக்கருவி, கார், விலங்குகள் வடிவிலான நாணயங்களும் காட்சிப்படுத்தப் படுகின்றன. பள்ளி, கல்லூரி, ஆய்வு மாணவர்கள், பணத்தாள்கள், நாணயங்கள், தபால் தலைகள், பழம் பொருட்கள் சேகரிப்போர் மற்றும் வரலாற்று ஆய்வாளர்கள் நிகழ்வில் பங்கேற்கிறார்கள். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சி அருகே துவாக்குடியில் சுங்கச்சாவடி கட்டண உயா்வுக்கு எதிராக மனிதநேய மக்கள் கட்சியினா் திங்கள்கிழமை நடத்திய போராட்டத்தில் சுங்கச்சாவடி சூறையாடப்பட்டது. காலாவதியான சுங்கச் சாவடிகளை உடனடியாக மூட வேண்டும், தமிழ்நாட்டில் 9 சுங்கச்சாவடிகள் மட்டுமே செயல்பட வேண்டும், புதிதாக சுங்கச்சாவடிகள் திறக்கக்கூடாது, சுங்கச்சாவடிகளில் அதிக கட்டணம் வசூலிக்க கூடாது உள்ளிட்ட கோரிக்கைகளை வலியுறுத்தி மனிதநேய மக்கள் கட்சி சார்பில் தமிழ்நாட்டில் 7 சுங்கச்சாவடிகளை முற்றுகையிட்டு போராட்டம் நடைபெறும் என அறிவிக்கப்பட்டது. அதில் ஒரு பகுதியாக திருச்சி - தஞ்சை தேசிய நெடுஞ்சாலையில் திருவெறும்பூர் அருகே துவாக்குடி பகுதியில் உள்ள சுங்கச்சாவடியை மாவட்ட மனிதநேய மக்கள் கட்சியின் மாவட்ட செயலாளரும், மணப்பாறை எம்எல்ஏ-னமான அப்துல் சமது தலைமையில் மனிதநேய மக்கள் கட்சியினர் முற்றுகையிட்டு போராட்டத்தில் ஈடுபட்டனர். போராட்டம் நடைபெற்றுக் கொண்டிருந்த போது போராட்டத்தில் ஈடுபட்டிருந்த சிலர் சுங்கச்சாவடிக்குள் நுழைந்து கற்களை வீசி தாக்கியும், கையில் கிடைத்ததை வைத்தும் அங்குள்ள கண்ணாடிகள், சிசிடிவி கேமராக்கள், தடுப்புகளை அடித்து உடைத்தனர். இதனால் அங்கு பெரும் பரபரப்பு ஏற்பட்டது. உடனடியாக கட்சிநிர்வாகிகளும் போலீசாரும் அவர்களை அங்கிருந்து அப்புறப்படுத்தினர். இந்த போராட்டத்தால் அப்பகுதியில் போக்குவரத்து பாதிப்பு ஏற்பட்டது. திருச்சி - தஞ்சை தேசிய நெடுஞ்சாலையில் துவாக்குடியில் உள்ள சுங்கச்சாவடியை மனிதநேய மக்கள் கட்சி சார்பில் நேற்று முற்றுகையிட்டு நடந்த போராட்டத்திற்கு அனுமதி இல்லாமல் கூடியது, சுங்கச்சாவடி சேதப்படுத்தியது என இரண்டு பிரிவுகளில் மனித நேய மக்கள் கட்சியின் மாவட்ட செயலாளரும் மணப்பாறை சட்டமன்ற உறுப்பினருமான அப்துல் சமது உள்பட 300 பேர் மீது இரண்டு பிரிவின் கீழ் துவாக்குடி போலீசார் வழக்கு பதிவு செய்துள்ளனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

பஞ்சாப்பூரில் விரைவில் சோலார் மின் நிலையம்! பஞ்சப்பூரில் 26.30 ஏக்கரில் பொலிவுறு நகரத் திட்டத்தின் கீழ் ரூ. 50 கோடியில் தரைமட்ட சூரிய ஒளி மின்நிலையம் அமைக்க 28,888 சூரிய ஒளி கிரகிப்பான்கள் பதிக்கப்பட்டுள்ளன.இதன் மூலம் ஆண்டுக்கு ரூ. 9 கோடி மின்கட்டணம் சேமிக்கப்படும் திருச்சி பஞ்சப்பூரில் ஆண்டுக்கு ரூ. 9 கோடி அளவிலான மின்கட்டணத்தை சேமிக்கும் தரைமட்ட சூரிய ஒளி மின்நிலையத்தை விரைவில் பயன்பாட்டுக்குக் கொண்டு வர மாநகராட்சி திட்டமிட்டுள்ளது. திருச்சி மாநகராட்சியில் மாநகராட்சி மைய அலுவலகம், மண்டல அலுவலகங்கள், நீரேற்று நிலையங்கள், நீா்த்தேக்கத் தொட்டிகள், குடிநீா் வழங்கும் நிலையங்கள், இதர மாநகராட்சி அலுவலகங்களுக்கு திருச்சி மாநகராட்சி நிா்வாகமானது ஆண்டுக்கு சுமாா் ரூ. 30 கோடி அளவுக்கு மின்கட்டணத்தை செலுத்தி வருகிறது. இதிலும் குறிப்பாக நீரேற்று நிலையங்களின் செயல்பாடுகளுக்கு பயன்படும் உயரழுத்த மின்சாரத்துக்குச் செலுத்தும் மின்கட்டணம் கணிசமாக உள்ளது. அண்மையில் உயா்த்தப்பட்ட மின்கட்டணத்தால் மாநகராட்சி நிா்வாகத்தின் மின் செலவு மேலும் அதிகரித்துள்ளது. இதனால், மாநகராட்சி வரவு - செலவுத் திட்டத்தில் கணிசமாக செலவாகும் மின்கட்டணத்தைக் குறைக்கவும், மின்சார உபயோகத்தைக் குறைத்து சுற்றுச்சூழலுக்கு உகந்ததாக மாற்றவும் மாநகராட்சி நிா்வாகம் பல்வேறு முயற்சிகளை மேற்கொண்டு வருகிறது. அதில், மின்சாரப் பல்புகளை எல்இடி பல்புகளாக மாற்றுவது, சூரிய ஒளி மின்உற்பத்தியை ஊக்குவிப்பது ஆகியவை முக்கியமானவை. இதில் மாநகராட்சியின் 65 வாா்டுகளில் மின்சாரப் பல்புகளை எல்இடி பல்புகளாக மாற்றும் திட்டமானது ஏறக்குறைய முடிவடைந்துள்ள நிலையில், சூரிய ஒளி மின்உற்பத்தியை ஊக்குவிக்கும் முன்னெடுப்பானது கடந்த 2021-ஆம் ஆண்டு தொடங்கப்பட்டது. இந்த முன்னெடுப்பின்படி, பொலிவுறு நகரத் திட்டத்தின் கீழ் கடந்த 2021-இல் பஞ்சப்பூரில் தரைமட்ட சூரிய ஒளி மின்நிலையம் அமைக்க முடிவெடுக்கப்பட்டது. தொடா்ந்து, தனியாரிடம் பணிகள் ஒப்படைக்கப்பட்டு, தற்போது சூரிய ஒளி(சோலாா்) மின்நிலையப் பணிகள் நிறைவடைந்துள்ள நிலையில், விரைவில் பயன்பாட்டுக்குக் கொண்டு வரப்பட உள்ளது. இதுகுறித்து திருச்சி மாநகராட்சி அதிகாரிகள் கூறியது: பஞ்சப்பூரில் 26.30 ஏக்கரில் பொலிவுறு நகரத் திட்டத்தின் கீழ் ரூ. 50 கோடியில் தரைமட்ட சூரிய ஒளி மின்நிலையம் அமைக்க முடிவு செய்யப்பட்டு, தனியாா் நிறுவனத்திடம் ஒப்பந்தம் மேற்கொள்ளப்பட்டது. இடையில், கரோனா, மழை வெள்ளப் பாதிப்புகளால் பணிகள் தடைபட்ட நிலையில், அண்மையில் குறிப்பிட்ட இடத்தில் 28,888 சூரிய ஒளி கிரகிப்பான்கள் பதிக்கப்பட்டுள்ளன. இங்கு, உற்பத்தியாகும் மின்சாரத்தை பிரத்யேக வயா்கள் மூலம் எடமலைப்பட்டிபுதூா் துணை மின்நிலையத்துக்குக் கொண்டு செல்லும் பணிகள் முடிவடைந்துள்ளன. இந்த தரைமட்ட சூரிய ஒளி மின்நிலையம் முழுப் பயன்பாட்டுக்கு வந்தால் ஆண்டுக்கு 1,333 மெகா வாட் மின்சாரத்தை உற்பத்தி செய்ய முடியும். இந்த மின்சாரத்தை ஒவ்வொரு உயரழுத்த மின்சார யுனிட்டாக மின்வாரியத்துக்கு விற்பனை செய்து, அதனை மாநகராட்சி உயரழுத்த மின்சாரத்துக்கு கட்டும் மின்கட்டணத்துக்கு ஈடாக கழித்துக் கொள்ள மின்வாரியத்துடன் ஒப்பந்தம் கையொப்பமிடப்பட்டுள்ளது. இதற்காக தரைமட்ட சூரிய ஒளி மின்நிலையத்திலும், எடமலைப்பட்டிபுதூா் துணை மின்நிலையத்திலும் மின்கணக்கீட்டு கருவிகள் பொருத்தப்பட்டுள்ளன. தரைமட்ட சூரிய ஒளி மின்நிலையம் மூலம் மாதம் ரூ. 74.50 மதிப்பிலும், ஆண்டுக்கு சுமாா் ரூ. 9 கோடி மதிப்புக்கும் மின்கட்டணத்தை சேமிக்க முடியும் என்றனா். இதுகுறித்து மாநகராட்சி செயற்பொறியாளா் கே.எஸ். பாலசுப்பிரமணியன் கூறியது: சுற்றுச்சூழலுக்கு உகந்த வகையில் மாநகராட்சியின் மின்கட்டணத்தை குறைக்க உதவும் தரைமட்ட சூரிய ஒளி மின்நிலையத்தை விரைவில் பயன்பாட்டுக்குக் கொண்டு வர முடிவு செய்துள்ளோம். முக்கியப் பணிகள் நிறைவடைந்துள்ள நிலையில், தமிழ்நாடு மின்சார வாரிய அதிகாரிகளின் ஆய்வு மற்றும் சில பணிகளுக்குப் பிறகு விரைவில் சூரிய ஒளி மின்நிலையம் பயன்பாட்டுக்குக் கொண்டு வரப்படும். இதன் மூலம் சுற்றுச்சூழலுக்கு உகந்த மின்சாரத்தை சொந்தமாக தயாரிக்கும் மாநகராட்சிகளில் திருச்சி மாநகராட்சி முக்கிய இடத்தைப் பெறும் என்றாா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

மண்ணச்சநல்லூர் ஊராட்சி ஒன்றியம் பிச்சாண்டார் கோவில் ஊராட்சி நம்பர் ஒன் டோல்கேட்டில் அப்பகுதி பொது மக்களின் கோரிக்கையை ஏற்று சட்டமன்ற உறுப்பினர் தொகுதி மேம்பாட்டு நிதி 2023- 2024 திட்டத்தின் கீழ் ரூ. 51.43 லட்சம் மதிப்பீட்டில் கட்டி முடிக்கப்பட்ட புதிய பேருந்து நிறுத்தத்தை நகராட்சி நிர்வாகத்துறை அமைச்சர் கே.என்.நேரு அவர்கள் திறந்து வைத்தார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருவெறும்பூா் அருகேயுள்ள கல்லணைக் கால்வாயில் ஞாயிற்றுக்கிழமை அவரது தந்தையுடன் குளிக்கச் சென்ற 6 வயது சிறுமி நீரில் அடித்துச் செல்லப்பட்டு சடலமாக மீட்கப்பட்டாா். அவரைக் காப்பாற்ற முயன்ற அவரது தந்தையைத் தேடும் பணி நடைபெற்று வருகிறது. திருவெறும்பூர் அருகே உள்ள பத்தாளப்பேட்டையச் சேர்ந்தவர் சுரேஷ், 40. பெல் ஊழியரான இவருக்கு கிருத்திகா, 13, யாஷிகா, 6, என இரு மகள்கள். இவர் நேற்று மதியம் தன் இரு மகள்களையும் அழைத்துக் கொண்டு, கிளியூர் பகுதி கல்லணை கால்வாய்க்கு குளிக்க சென்றார். முதலில் குளிக்க இறங்கிய யாஷிகா, திடீரென தண்ணீரில் அடித்துச் செல்லப்பட்டார். அதை பார்த்த தந்தை சுரேஷ், மகளை காப்பாற்ற கால்வாயில் குதித்தார். அவரும் அடித்துச் செல்லப்பட்டார். இதை கரையில் இருந்து பார்த்துக் கொண்டிருந்த மகள் கிருத்திகா கூச்சலிட, அங்கிருந்தோர் கால்வாயில் குதித்து இருவரையும் காப்பாற்ற முயன்றனர். அப்போது யாஷிகா மட்டும் மீட்கப்பட்டு, பெல் மருத்துவமனைக்கு துாக்கிச் செல்லப்பட்டார். அங்கு அவரை பரிசோதித்த டாக்டர்கள், ஏற்கனவே இறந்து விட்டதாக கூறினர். இதுகுறித்து திருச்சி, திருவெறும்பூர் தீயணைப்பு துறையினருக்கு தகவல் தெரிவிக்கப்பட்டு, அவர்களும் பொதுமக்களுடன் சேர்ந்து அடித்துச் செல்லப்பட்ட சுரேஷை தேடி வருகின்றனர். தண்ணீரில் அடித்து செல்லப்பட்ட சுரேஷுக்கு நேற்று திருமண நாள். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb