போக்குவரத்து நெரிசலுக்குத் தீா்வு காணும் வகையில் உயா்மட்ட பாலம் அமைக்கப்படும் என நகராட்சி நிா்வாகத்துறை அமைச்சா் தெரிவித்திருந்தாா். அதன்படி, தற்போது தலைமை தபால் நிலையத்திலிருந்து புத்தூா் வரை ரூ. 750 கோடியில் 2 ரவுண்டானாக்கள், 5 இணைப்புகளுடன் உயா்மட்ட பாலம் அமைக்க திட்டமிடப்பட்டுள்ளது. இதுகுறித்து தமிழ்நாடு மாநில நெடுஞ்சாலைத்துறை அதிகாரிகள் கூறியதாவது: புதுக்கோட்டை சாலை தலைமை தபால் நிலையத்திலிருந்து புத்தூா் வரை ரூ. 750 கோடியில் புதிய உயா்மட்ட பாலம் அமைக்க மாநில நெடுஞ்சாலைத்துறை திட்டமிட்டுள்ளது. இதற்கு சென்னை மெட்ரோ ரயில் லிமிடெட் (சிஎம்ஆா்எல்) நிறுவனமும் ஆட்சேபனை இல்லை எனத் தகவல் தெரிவித்துள்ளது. உயா்மட்ட பாலமானது 2.7 கி.மீ. நீளத்தில், தலைமை தபால் நிலைய சிக்னல் அருகே தொடங்கி புத்தூா் அருகே முடிவடையும் வகையில் 17.2 மீட்டா் அகலத்தில் நான்கு வழிச்சாலையாக அமைக்கப்பட உள்ளது. உயா்மட்ட பாலத்தில் தலைமை தபால் நிலையம் அருகே அமையவுள்ள ரவுண்டானாவில் பாலக்கரை, ரயில்வே சந்திப்புக்குச் செல்ல இரு இணைப்புப் பாதைகளும், எம்ஜிஆா் ரவுண்டானா அருகே அமையவுள்ள ரவுண்டானாவில் அண்ணா நகா் வழியாக சத்திரம் பேருந்து நிலையம், ஐயப்பன் கோயில் வழியே மத்திய பேருந்து நிலையம் செல்ல இரு இணைப்புப் பாதைகளும், வயலூா் சாலையை இணைக்கும் பாதையும் 7 மீட்டா் அகலத்தில் அமைக்கப்பட உள்ளது. இதற்கான மண் பரிசோதனைகளும் நிறைவடைந்து, விரிவான திட்ட அறிக்கைக்கு அரசு அனுமதியளித்துள்ளது என்றாா். மாநில நெடுஞ்சாலைத்துறை உயரதிகாரி ஒருவா் கூறியதாவது: உயா்மட்ட பாலத்துக்கான வடிவமைப்புக்கு அரசு ஒப்புதல் அளித்துள்ளது. இதில், நிலம் கையகப்படுத்துவதற்கான சாத்தியக்கூறுகளை ஆராய்ந்து, அறிக்கை அளித்துள்ளோம். தமிழக அரசு வரும் பட்ஜெட் கூட்டத்தில் உயா்மட்ட பாலம் அமைப்பதற்கான நிதி ஒதுக்கீடு செய்து, ஒப்புதல் அளிக்கும் என எதிா்பாா்க்கிறோம் என்றாா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சிராப்பள்ளி மாநகராட்சி மண்டலம் -3 வார்டு எண் 39,40 பகுதியை இணைக்கும் கவுருகரை வாய்க்காலின் குறுக்கே அமைக்கப்பட்டுள்ள பாலம் பள்ளிக் கல்வித்துறை அமைச்சர் அன்பில் மகேஸ் பொய்யாமொழி தலைமையில் நகராட்சி நிர்வாகத்துறை அமைச்சர் கே என் நேரு ஆகியோர் திறந்து மக்களின் பயன்பாட்டிற்கு அர்ப்பணித்து வைத்தார்  திருவெறும்பூா் சட்டப்பேரவை தொகுதிக்குள்பட்ட திருச்சி மாநகராட்சி 39-ஆவது வாா்டில் பாலாஜி நகா், கைலாஷ் நகா், வின் நகா், கணேஷ் நகா் என சுமாா் 1,500-க்கும் மேற்பட்ட குடும்பங்கள் வசித்து வருகின்றன. இதேபோல, 40-ஆவது வாா்டில் நியூ டவுன், பிரகாஷ் நகா், முத்து நகா் என சுமாா் 300 குடும்பங்கள் வசித்து வருகின்றன. மேற்கண்ட வாா்டுகளின் குடியிருப்புவாசிகள், கடந்த 15 ஆண்டுகளாக இரண்டு வாா்டுகளையும் இணைக்கும் நோக்கத்துடன், இரண்டு வாா்டுகளுக்கும் நடுவே செல்லும் உய்யக்கொண்டான் பாசன வாய்க்காலின் கிளை வாய்க்காலான கவுறு வாய்க்காலில் புதிய பாலம் ஒன்றைக் கட்டித் தர வேண்டும் என கோரிக்கை விடுத்து வந்தனா். இந்தப் புதிய பாலத்தால், அருகிலுள்ள பள்ளிகளுக்குச் செல்லும் 4,000 குழந்தைகளும், பணிகளுக்குச் செல்வோா் உள்ளிட்ட 10 ஆயிரத்துக்கும் மேற்பட்டோரும் சுமாா் 4 கி.மீ. சுற்றிச்செல்லும் தூரம் மிச்சமாகும். திருச்சி - தஞ்சாவூா் நெடுஞ்சாலையில் போக்குவரத்து நெரிசலும் கணிசமாகக் குறையும் எனவும் தெரிவிக்கப்பட்டது. இதைத் தொடா்ந்து, திருச்சி மாநகராட்சி சாா்பில் ரூ. 1.31 கோடியில் கவுறு வாய்க்காலின் குறுக்கே உயா்மட்ட இணைப்புப் பாலம் கட்டப்பட்டது. இதனை நகா்ப்புற வளா்ச்சித்துறை அமைச்சா் கே.என். நேரு, பள்ளிக்கல்வித்துறை அமைச்சா் அன்பில் மகேஸ் பொய்யாமொழி ஆகியோா் மக்கள் பயன்பாட்டுக்கு ஞாயிற்றுக்கிழமைத் திறந்து வைத்தனா். நிகழ்வில் மாவட்ட ஆட்சியா் மா. பிரதீப்குமாா், மாநகராட்சி மேயா் மு. அன்பழகன், மாநகராட்சி ஆணையா் வே. சரவணன், மாமன்ற உறுப்பினா்கள் சிவகுமாா், ரெக்ஸ், மாநகராட்சி அதிகாரிகள், திமுக நிா்வாகிகள் கலந்துகொண்டனா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருவெறும்பூர் அருகே உள்ள பெல் ஊரக பகுதியில் இருந்து சென்னைக்கு ஊழியர்கள் மற்றும் பொதுமக்கள் செல்லும் வகையில் புதிய பேருந்து வழிதடத்தை தமிழக பள்ளிகல்வி துறை அமைச்சர் அன்பில் மகேஸ் பொய்யாமொழி தொடங்கி வைத்தார். திருச்சி திருவெறும்பூா் அருகே மத்திய பொதுத்துறை நிறுவனங்களில் ஒன்றான பெல் நிறுவனம் இயங்கி வருகிறது. இங்கு பல்வேறு மாநிலங்களில் இருந்து ஆயிரக்கணக்கானோா் பணியாற்றி வருகின்றனா். அவா்கள் எளிதாக சென்னைக்குச் சென்று வரும் வகையில், பெல் ஊரகப் பகுதியில் இருந்து சென்னை கிளம்பாக்கத்துக்கு நேரடியாக அரசுப் பேருந்து போக்குவரத்து இயக்க வேண்டுமென திருவெறும்பூா் தொகுதி எம்எல்ஏவும், பள்ளிக்கல்வித்துறை அமைச்சருமான அன்பில் மகேஸ் பொய்யாமொழியிடம் கோரிக்கை வைத்தனா். இதனை ஏற்று, ஞாயிற்றுக்கிழமை மாலை புதிய வழித்தடத்தில் சென்னை கிளாம்பாக்கத்துக்கு அரசுப் பேருந்து இயக்க அமைச்சா் ஆவணம் செய்தாா். இதையடுத்து புதிய பேருந்து இயக்கத் தொடக்க விழா ஞாயிற்றுக்கிழமை நடந்தது. நிகழ்வுக்கு, திருச்சி மாவட்ட ஆட்சியா் மா. பிரதீப்குமாா் தலைமை வகித்தாா். தமிழ்நாடு அரசுப் போக்குவரத்துக் கழக திருச்சி மண்டலப்பொது மேலாளா் முத்துகிருஷ்ணன் முன்னிலை வைத்தாா். இதில், தமிழக பள்ளிக்கல்வித்துறை அமைச்சா் அன்பில் மகேஷ் பொய்யாமொழி பங்கேற்று, பேருந்தை தொடங்கி வைத்து, அப்பேருந்தில் சிறிதுதூரம் பயணித்தாா். இந்தப் பேருந்தானது, நாள்தோறும் இரவு 10 மணிக்கு பெல் டவுன்ஷிப்பில் இருந்து சென்னை கிளாம்பாக்கத்துக்குப் புறப்படும். அதே போல் சென்னை கிளாம்பாக்கத்திலிருந்து மறுநாள் காலை 9 மணிக்குப் புறப்பட்டு மாலை 4.55 மணிக்கு பெல் டவுன்ஷிப் வந்தடையும். நிகழ்வில், பெல் செயல் இயக்குநா் எஸ். பிரபாகா், தொழிற்சங்க பிரதிநிதிகள், போக்குவரத்து அலுவலா்கள், திமுக நிா்வாகிகள் கலந்து கொண்டனா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

இதற்கான அனுமதி பெற்று விரைவில் அங்கு பணிகள் அனைத்தும் தொடங்கப்பட இருக்கிறது.  பஞ்சப்பூரில் பேருந்து நிலையத்துக்கு எதிரில் புட்பார்க் மிகவும் பிரம்மாண்டமாக அமைக்கப்பட இருக்கிறது. இந்த உணவுப்பூங்காவானது 1 லட்சம் சதுர அடி பரப்பளவில் சுமார் 5 ஏக்கர் நிலப்பரப்பில் அமைக்கப்படும் என்று தெரிவிக்கப்பட்டுள்ளது. இதில் உணவகங்கள், சூப்பர் மார்க்கெட், பன்சோன், 5 டிதியேட்டர் உள்ளிட்டவை வரும் என்று எதிர்பார்க்கப்படுகிறது. உணவுப்பூங்காவானது பஞ்சப்பூரில் அமைக்கப்பட இருக்கிறது. இதற்காக திருச்சிராப்பள்ளி மாநகராட்சியில் அனுமதி பெற்று அங்கு கட்டஅவுட்டானது வைக்கப்பட்டுள்ளது. திருச்சியின் முக்கிய பகுதியில் இது அமைய இருப்பதால் மக்களுக்கு மிகவும் பயனுள்ளதாக இருக்கும் என்று எதிர்பார்க்கப்படுகிறது. இதற்கான பணிகள் அனைத்தும் விரைவில் தொடங்க இருக்கிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சி பால்பண்ணை- துவாக்குடி அணுகு சாலை மீட்பு கூட்டமைப்பின் தலைவா் எஸ். சுப்பிரமணியன், பொதுச் செயலா் ஏ. நடராஜன், பொருளாளா் கே. ராஜேந்திரன் ஆகியோா் செய்தியாளா்களிடம் வெள்ளிக்கிழமை கூறியது: திருச்சி பால்பண்ணை தொடங்கி துவாக்குடி வரையில் அணுகுசாலை அமைப்பது தொடா்பாக அணுகு சாலை மீட்பு கூட்டமைப்பினா் 2024ஆம் ஆண்டு உயா்நீதிமன்ற மதுரைக் கிளையில் தாக்கல் செய்த பொதுநல வழக்கு விசாரணையின்போது தேசிய நெடுஞ்சாலைத் துறையினா், தமிழக நெடுஞ்சாலைத்துறையினா் பிரமாணப்பத்திரம் தாக்கல் செய்தனா். அதில் துவாக்குடியில் அணுகுசாலை அமைக்க முடிவெடுத்துள்ளதாக தெரிவிக்கப்பட்டிருந்தது. இதையடுத்து நீதிமன்றம், திட்டப் பணிகளின் முன்னேற்றம் குறித்த விவரங்களை தாக்கல் செய்ய வேண்டும் என அறிவுறுத்தியது. அதன்படி கடந்த மாா்ச் 6-ஆம் தேதி நடைபெற்ற விசாரணையின்போது, அரசு சாா்பில் தாக்கல் செய்யப்பட்ட அறிக்கையில், அணுகுசாலையின் அகலம் 41 மீட்டருக்கு பதிலாக 33 மீட்டா் மட்டுமே கையகப்படுத்தப்படவுள்ளதாக தெரிவிக்கப்பட்டுள்ளது. அணுகு சாலையுடன் கூடிய 4 வழி நெடுஞ்சாலைக்கு 60 மீட்டா் அகலம் என்பதை 2013-ஆம் ஆண்டே தமிழக அரசு ஏற்றுக் கொண்டது. மேலும், 2014-இல் தமிழக அரசு சாலையின் அகலத்தை 45 மீட்டா் ஆக குறைத்து அரசாணை வெளியிட்டது. 2019ஆம் ஆண்டு இந்த சாலை விவகராம் தொடா்பாக நீதிமன்றத்தில் நடைபெற்ற வழக்கு விசாரணையின்போது, அணுகுசாலை மட்டும் அமையவுள்ள பகுதியில் 45 மீட்டா் அகலம் இருக்க வேண்டும் என உத்தரவிட்டது. அதன்படியே, நிலம் கையெடுப்பு பணி நடைபெற்றது. இந்நிலையில், உயா்நீதிமன்றத்தின் முந்தைய உத்தரவை மறுதலிக்கும் விதமாக சாலையின் மொத்த அகலத்தை 33 மீட்டா் என குறைத்திருப்பது பொதுமக்களின் பாதுகாப்பை கேள்விக்குறியாக்கியுள்ளது. எனவே, முதல்வா், துணை முதல்வா் கவனத்துக்கு அமைச்சா் அன்பில் மகேஸ் பொய்யாமொழி மீண்டும் இந்த பிரச்னையை கொண்டு செல்ல வேண்டும். 2019-ஆம் ஆண்டு நீதிமன்றம் அளித்த உத்தரவின்படியே அணுகுசாலை அமைக்க வேண்டும். எக்காரணத்துக்காகவும் சாலையின் அகலத்தை குறைக்கக் கூடாது. கோரிக்கை ஏற்கப்படும் வரை தொடா்ந்து போராடுவோம் என்றனா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

இது குறித்து திருச்சி கோட்ட ரயில்வே நிா்வாகம் வெளியிட்டுள்ள செய்திக்குறிப்பு: சேலம் கோட்டத்தில் ஊஞ்சலூா்-பாசூா் இடையே பொறியியல் பணிகள் நடைபெறுவதால், திருச்சி-ஈரோடு பயணிகள் ரயிலானது (56809) மாா்ச் 8, 11, 13, 15 ஆம் தேதிகளில் ஈரோடு-கரூா் இடையே பகுதியாக ரத்து செய்யப்படுகிறது. இந்த ரயிலானது திருச்சி-கரூா் இடையே மட்டும் இயங்கும் என அதில் தெரிவிக்கப்பட்டுள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb  

திருச்சி நகரின் பல பகுதிகளிலும் 10 ஆண்டு முதல் 50 ஆண்டுகளுக்கும் மேலாக அரசு புறம்போக்கு நிலத்தில் ஏராளமான குடும்பத்தினர் வசித்து வருகிறார்கள். இப்படி வசித்து வருபவர்களில், ஆட்சேபனையற்ற புறம்போக்கு நிலத்தில் வசிப்போருக்கு பட்டா கிடைக்க போகிறது. திருச்சி நகரின் பல பகுதிகளிலும் அரசு புறம்போக்கு நிலத்தில் வசித்து வரும் 1,128 குடும்பத்தினருக்கு பட்டா வழங்குவதற்கு மாநகராட்சி தடையின்மை சான்று அளித்துள்ளது. இதனால் வருவாய்த்துறை அதிகாரிகள் பட்டா வழங்க நடவடிக்கை எடுத்து வருகிறார்கள். திருச்சி மாநகராட்சி மிக வேகமாக வளர்ந்து வரும் மாநகராட்சியாக இருக்கிறது. இதன் காரணமாக பொதுமக்கள் பலர் அரசு புறம்போக்கு நிலங்களில் வீடு கட்டி வசிக்க தொடங்கினார்கள். அப்படி திருச்சி நகரின் பல பகுதிகளிலும் 10 ஆண்டு முதல் 50 ஆண்டுகளுக்கும் மேலாக அரசு புறம்போக்கு நிலத்தில் ஏராளமான குடும்பத்தினர் வசித்து வருகிறார்கள். பலர் சாதாரண ஓட்டு வீடுகளிலும், சிலர் பங்களாக்களையும் கட்டி வசிக்கிறார்கள். இவர்களுக்கு பட்டா இருக்காது. எனினும் பத்திரப்பதிவு செய்திருப்பார்கள்.. மின்சாரம், குடிநீர், அனைத்தும் உள்ளது. பல ஆண்டுகளாக பட்டா கேட்டு இவர்கள் கோரிக்கை வைத்து வருகிறார்கள். இந்நிலையில் முதல்வர் மு.க. ஸ்டாலின் தலைமையில் அண்மையில் நடைபெற்ற தமிழக அமைச்சரவை கூட்டத்தில் நீர் நிலைகள், குளம் போன்ற இடங்களை தவிர மற்ற ஆட்சேபனையற்ற அரசு புறம்போக்கு நிலங்களில் 10 ஆண்டுகளுக்கு மேல் வசிப்பவர்களுக்கு பட்டா வழங்கலாம் என முடிவெடுக்கப்பட்டது.. தமிழகம் முழுவதும் முதல் கட்டமாக 86 ஆயிரம் பேருக்கு விரைவில் பட்டா வழங்க நடவடிக்கை எடுக்க வேண்டும் என்று முதல்வர் மு.க. ஸ்டாலின் வருவாய் துறை அதிகாரிகளுக்கு உத்தரவிட்டார். இந்த உத்தரவின் அடிப்படையில் தமிழகம் முழுவதும் ஆட்சேபனையற்ற அரசு புறம்போக்கு நிலங்களில் வசிப்பவர்கள் பற்றிய பட்டியல் தயாரிக்கப்பட்டு வருகிறது. அதன்படி தமிழகம் முழுவதும் மாநகராட்சி, நகராட்சி, பேரூராட்சி போன்ற உள்ளாட்சி நிர்வாகங்களிடம் ஆட்சேபனையற்ற புறம்போக்கில் வசிப்பவர்களுக்ககாக தடையின்மை சான்று பெறும் முயற்சியில் தற்போது வருவாய்த்துறை அதிகாரிகள் ஈடுபட்டு உள்ளனர். இதற்காக அனுப்பப்பட்ட கோப்புகளை உள்ளாட்சி நிர்வாகங்கள் தங்களது மன்ற கூட்டங்களில் பொருளாக வைத்து ஒப்புதல் அளித்து வருகின்றன. திருச்சி மாநகராட்சியை பொறுத்தவரை திருச்சி மேற்கு சட்டமன்ற தொகுதிக்கு உட்பட்ட 54-வது வார்டு பெரிய மிளகு பாறை பகுதியில் 40 ஆண்டுகளுக்கும் மேலாக குடியிருந்து வரும் 670-க்கும் மேற்பட்ட குடும்பத்தினர் வசிக்கிறார்கள் என்று வருவாய் துறை வட்டாரங்கள் சொல்கின்றன. அதேபோல் பெரிய மிளகுபாறை காமராஜர் புரத்தில் 40 ஆண்டுகளுக்கும் மேலாக 80-க்கும் மேற்பட்ட குடும்பத்தினர் வசிப்பதாகவும், கோரிமேடு தெருவில் 20 ஆண்டுகளுக்கும் மேலாக வசித்து வரும் 250-க்கும் மேற்பட்ட குடும்பத்தினர் வசிப்பதாகவும் கூறப்படுகிறது. இதேபோல் திருச்சி மேற்கு தாலுகா 27-வது வார்டு புத்தூர் வண்ணாரப்பேட்டை பகுதியில் 30 ஆண்டுக்கும் மேலாக 20-க்கும் மேற்பட்ட குடும்பத்தினர் வசிப்பதாகவும், 26-வது வார்டு திடீர் நகரில் 40 ஆண்டுகளுக்கும் மேலாக 50 குடும்பத்தினர் வசித்து வருவதாகவும், திருச்சி கிழக்கு தாலுகாவில் 12-வது வார்டில் 25 ஆண்டுகளாக குடியிருந்து வரும் 17 குடும்பத்தினர் வசித்து வருவதாகவும் வருவாய் துறை ஆவணங்களில் கூறப்படுகிறது. மேலும் திருச்சி 60-வது வார்டில் 30 ஆண்டுகளுக்கும் மேலாக 70 குடும்பத்தினர் வசிப்பதாகவும், திருச்சி மேற்கு தாலுகாவில் 8-வது வார்டில் 40 ஆண்டுகளாக 10 குடும்பத்தினர் வசிப்பதகாவும், புத்தூர் திரு வி.க. தெருவில் 25 குடும்பத்தினர் 20 ஆண்டுகளுக்கும் மேலாக வசித்து வருவதாகவும், ஆதி நகர் பகுதியில் 20 ஆண்டுகளாக 6 குடும்பத்தினர் வசிப்பதாகவும் கூறப்படுகிறது. இப்படி ஒட்டுமொத்தமாக திருச்சி மாநகரில் 1,128 குடும்பத்தினர் ஆட்சேபனையற்ற புறம்போக்கு நிலத்தில் வசிப்பதாகவும், அவர்களுக்கு பட்டா வழங்குவதற்கு தடையில்லை என்பதற்கான சான்றை திருச்சி மாநகராட்சி நிர்வாகம் வழங்கி இருக்கிறது. இதனை தொடர்ந்து திருச்சி வருவாய்த்துறை அதிகாரிகள் பட்டா வழங்குவதற்கான ஏற்பாடுகளை செய்து வருகிறார்கள். இதனால் அரசு புறம்போக்கு நிலங்களில் வசித்து வரும் குடும்பத்தினர் மகிழ்ச்சி அடைந்துள்ளனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சிக்கான ரூ.10,917.64 கோடி மதிப்பிலான மெட்ரோ திட்டம் மாநில அரசின் பரிசீலனையில் இருப்பதாக CMRL உறுதிப்படுத்தியது. பஞ்சப்பூரில் உள்ள ஒருங்கிணைந்த பேருந்து முனையம் இந்த மாத இறுதிக்குள் செயல்பாட்டுக்கு வர வாய்ப்புள்ள நிலையில், நகரத்தில் மெட்ரோ ரயில் இணைப்புக்காக குடியிருப்பாளர்கள் தொடர்ந்து காத்திருக்கின்றனர். மத்திய நிதியமைச்சருடன் நிதியமைச்சர் தங்கம் தென்னரசு நடத்திய பட்ஜெட்டுக்கு முந்தைய சந்திப்பின் போது கூட இதுபோன்ற ஒரு திட்டம் குறிப்பிடப்படாத நிலையில், திருச்சி மெட்ரோவின் வாய்ப்புகளை அறிய மக்கள் மாநில பட்ஜெட்டுக்காக காத்திருக்கிறார்கள். “CMRL குழு ஏற்கனவே மதுரைக்கு வருகை தந்தது. மாநில அமைச்சர்களால் பெரும்பாலும் கோயம்புத்தூர் மற்றும் மதுரை மெட்ரோ திட்டங்கள் குறித்து பேச்சுவார்த்தை நடத்தப்பட்டது. இருப்பினும், எங்கள் திட்டம் குறித்து மாநில அரசிடமிருந்து தெளிவு தேவை; வரவிருக்கும் பட்ஜெட்டில் அதைப் பற்றி குறிப்பிடலாம்” என்றனர். கடந்த மாதம் நடந்த மாநகராட்சி மன்றக் கூட்டத்தின் போது, ​​போக்குவரத்து நெரிசலைக் குறைக்க நகரில் புதிய மேம்பாலம் கட்டும் பணிகளை மேற்கொள்ளாததால் "மெட்ரோ திட்டப் பணிகளில்" ஏற்படக்கூடிய இடையூறுகளை மேயர் மேற்கோள் காட்டினார். இருப்பினும், மெட்ரோ திட்டம் எப்போது தொடங்கும் என்பது குறித்து அவர் அமைதியாக இருந்தார். "திருச்சியில் மெட்ரோ திட்டம் எப்போது தொடங்கும் என்று யாருக்கும் தெரியாது. CMRL அல்லது அரசாங்கம் அதன் நிலை குறித்து தெளிவுபடுத்த வேண்டும்," என்று கூறுகின்றனர். நகராட்சி நிர்வாக அமைச்சர் கே.என். நேருவை தொடர்பு கொண்டபோது, ​​"நாங்கள் திருச்சி மெட்ரோ திட்டத்தை கைவிடவில்லை. இது எங்கள் நகரத்திற்கு ஒரு தேவை, விரைவில் இந்த விஷயத்தை முதலமைச்சரிடம் எடுத்துச் செல்வேன்" என்று  தெரிவித்தார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

மயபுரம் அருகே தேசிய நெடுஞ்சாலையில் பைக் வித்தை காட்டிய இளைஞர்கள் காவல்துறையினர் கைது செய்து வழக்குப்பதிவு செய்துள்ளனர். இதனைத் தொடர்ந்து அந்த இளைஞர், இனி பைக்கில் பயணிக்கும் போது இதுபோன்ற வித்தைகளில் ஈடுபட மாட்டேன் என்றும், ஹெல்மெட் அணிந்து கொண்டுதான் பைக் ஓட்டுவேன் என்றும் தெரிவித்துள்ளார். ருச்சி மாவட்டம் சமயபுரம் அருகே திருச்சி - சென்னை தேசிய நெடுஞ்சாலையில் தினம்தோறும் ஆயிரக்கணக்கான வாகனங்கள் பயணிக்கின்றன. 4 நாட்களுக்கு முன்பாக இளைஞர் ஒருவர் இந்த சாலையில் தனது யமஹா ஆர்15 பைக்கில் சாகசத்தில் ஈடுபட்டார். அதிலும் பைக்கின் பின் இருக்கையின் நுனியில் அமர்ந்து கைகளால் ஹேண்டில் பாரினை பிடிக்காமல் சென்றார். இது அவருக்கு மட்டுமல்லாமல் அருகில் செல்வோருக்கும் ஆபத்தை விளைவிப்பதை போல் அமைந்தது. இதனை வீடியோவாக எடுத்து சில சோசியல் மீடியாவில் பதிவேற்றம் செய்தனர். இந்த வீடியோ ட்ரெண்டான போது, சமூக ஆர்வலர்கள் பலரும் இவர் மீது நடவடிக்கை எடுக்க வேண்டும் என்று கோரிக்கை வைத்தனர். இதனைத் தொடர்ந்து அந்த வாகனம் யாருடையது, அந்த இளைஞர் யார் என்று காவல்துறை விசாரணையை தொடங்கியது. இந்த நிலையில் பொது இடத்தில் பைக் சாகசத்தில் ஈடுபட்டவரை போலீசார் கண்டறிந்துள்ளனர். இதனைத் தொடர்ந்து அந்த இளைஞர் தரப்பில் வீடியோ ஒன்று வெளியிடப்பட்டுள்ளது. அந்த வீடியோவில், என் பெயர் பாலகிருஷ்ணன். பிப்.27ஆம் தேதியன்று பல்வேறு பணிகளுக்காக என் வண்டியை எடுத்து சென்ற போது, கைகளை விட்டு பைக்கை ஓட்டியது சோசியல் மீடியாவில் பெரிய செய்தியாக பரவிவிட்டது. இதன்பின் சமயபுரம் காவல்துறையினர் என்னை கைது செய்து, வழக்குப்பதிவு செய்துவிட்டார்கள். இனிமேல் ஹெல்மெட் அணிந்து கொண்டு பைக் ஓட்டுவேன், இதுபோன்ற தவறுகளை செய்ய மாட்டேன் என்று தெரிவித்துள்ளார். இளைஞரின் இந்த வீடியோ சோசியல் மீடியாவில் ட்ரெண்டாகி வருகிறது.