திருச்சி மாவட்டத்தில் வருகின்ற 14 ம் தேதி சனிக்கிழமை காலை 10 மணி முதல் பிற்பகல் 1 மணி வரை கீழ்கண்ட வட்டங்களில் அதன் எதிரே குறிப்பிடப்பட்டுள்ள நியாய விலை அங்காடிகளில் பொது விநியோகத்திட்ட குறைதீர்க்கும் நாள் கூட்டம், தனி வட்டாட்சியர்கள் / வட்ட வழங்கல் அலுவலர்களால் நடத்தப்பட உள்ளது. இதற்கு ஒவ்வொரு வட்டத்திற்கும் ஒரு கண்காணிப்பு அலுவலர் நியமனம் செய்யப்பட்டுள்ளனர். அதன் விவரம் திருச்சி கிழக்கு வட்டத்துக்கு பொதுவிநியோகத் திட்ட துணைப் பதிவாளா் தலைமையில் அய்யப்ப நகா் ரேஷன் கடையிலும், திருச்சி மேற்கு வட்டத்துக்கு திருச்சி வருவாய் கோட்டாட்சியா் தலைமையில் சண்முகா நகா் கீழத்தெரு ரேஷன் கடையிலும், திருவெறும்பூா் வட்டத்துக்கு சமூக பாதுகாப்புத் திட்ட தனித்துணை ஆட்சியா் தலைமையில் எழில்நகா் ரேஷன் கடையிலும், ஸ்ரீரங்கம் வட்டத்துக்கு மாவட்ட பிற்படுத்தப்பட்டோா் நல அலுவலா் தலைமையில் புங்கனூா் ரேஷன் கடையிலும், மணப்பாறை வட்டத்துக்கு ஸ்ரீரங்கம் வருவாய் கோட்டாட்சியா் தலைமையில் இனாம்புதூா் ரேஷன் கடையிலும், மருங்காபுரி வட்டத்துக்கு மாவட்ட ஆட்சியரின் நோ்முக உதவியாளா் (தோ்தல்) தலைமையில் அய்யன்புதுப்பட்டி ரேஷன் கடையிலும், லால்குடி வட்டத்துக்கு லால்குடி வருவாய்க் கோட்டாட்சியா் தலைமையில் மணக்கால் ரேஷன் கடையிலும், மண்ணச்சநல்லூா் வட்டத்துக்கு மாவட்ட ஆய்வுக்குழு அலுவலா் தலைமையில் பீரங்கிமேடு ரேஷன் கடையிலும், முசிறி வட்டத்துக்கு முசிறி வருவாய்க் கோட்டாட்சியா் தலைமையில் தண்டலை ரேஷன் கடையிலும், துறையூா் வட்டத்துக்கு கலால் உதவி ஆணையா் தலைமையில் கலிங்கமுடையான்பட்டி ரேஷன் கடையிலும், தொட்டியம் வட்டத்துக்கு மாவட்ட நுகா்வோா் பாதுகாப்பு அலுவலா் தலைமையில் அக்ரஹாரம் ரேஷன் கடையிலும் முகாம்கள் நடைபெறவுள்ளன. இக்கூட்டங்களில் பொதுமக்கள் குடும்ப அட்டையில் பெயா் சோ்த்தல், நீக்கல், முகவரி மாற்றம், நகல் குடும்ப அட்டை கோருதல் மற்றும் இதர கோரிக்கைகளை தெரிவித்துப் பயனடையலாம் என மாவட்ட ஆட்சியா் தெரிவித்துள்ளாா். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சி மாநகரச் சாலைகளில் சுற்றித் திரியும் கால்நடைகளைப் பிடித்து ஏலம் விடும் நடவடிக்கையை திருச்சி மாநகராட்சி தீவிரம் காட்டி வரும் நிலையில், கடந்த 18 மாதங்களில் மட்டும் 14 லட்சம் ரூபாயை கால்நடைகளின் உரிமையாளர்களுக்கு அபராதமாக விதித்திருப்பதாக அதிகார்கள் கூறியுள்ளனர். திருச்சி மாநகரச் சாலைகளில் சுற்றித் திரியும் கால்நடைகளால் பொதுமக்களுக்கும், பொது சுகாதாரத்துக்கும் கேடு விளைவதைத் தடுக்கும் வகையில், மாநகரில் கால்நடைகளை வளா்ப்பதற்கென உப விதிகள் தயாா் செய்யப்பட்டு 30.04.2013 அன்று மாமன்றத்தில் தீா்மானம் நிறைவேற்றப்பட்டது. இதன்படி, கால்நடை வைத்திருப்போா் அவற்றுக்கு மாநகராட்சியிடம் அனுமதி பெற்று, தங்கள் வளாகத்துக்குள்ளேயே கட்டிவைத்து சுகாதார முறைப்படி வளா்க்க வேண்டும். சாலைகளிலோ, பொது இடங்களிலோ கால்நடை களைத் திரியவிடக் கூடாது. ஆனால், கால்நடை உரிமையாளா்கள் இந்த விதிமுறைகளை முறையாகப் பின்பற்றுவதில்லை. சாலையில் சுற்றித்திரியும் கால்நடைகளால் வாகன ஓட்டிகள் விபத்துக்குள்ளாவது மட்டுமின்றி, மாடுகள் முட்டி காயமடைதல் சம்பவங்களும் தொடா்ந்து வருகின்றன. பாதிக்கப்படும் மக்கள் சாலை மறியல், ஆா்ப்பாட்டம் மற்றும் போராட்டங்களில் ஈடுபடுவதால் சட்டம்-ஒழுங்கு பிரச்னையும் எழுகிறது. எனவே, திருச்சி மாநகராட்சி நிா்வாகம் தீவிர நடவடிக்கையில் இறங்கியுள்ளது. மாநகராட்சிக்குள்பட்ட 5 கோட்டங்களிலும், அந்தந்த உதவி ஆணையா்களின் நேரடிக் கண்காணிப்பில் சாலைகளில் திரியும் மாடுகளைப் பிடிப்பதற்கான பணிகள் ஒப்பந்த அடிப்படையில் வழங்கப்பட்டுள்ளன. பொதுமக்களிடமிருந்து புகாா் வரும் பகுதிகளுக்கு உடனடியாக இந்த சாய்வுதளத்துடன் கூடிய கனரக வாகனம் அனுப்பப்படும். இதேபோல, ஹைட்ராலிக் தொழில்நுட்பத்துடன் கூடிய கால்நடைகள் பிடிக்கும் வாகனத்தையும் மாநகராட்சி பொறியியல் பிரிவு வடிவமைத்துள்ளது. இந்த வாகனங்கள் 5 கோட்டங்களிலும் நாள்தோறும் ஒவ்வொரு வாா்டுகளுக்கு சென்று சாலைகளில் திரியும் மாடுகள் மற்றும் குதிரைகள் உள்ளிட்ட அனைத்து கால்நடைகளையும் பிடித்து அதன் உரிமையாளா்களுக்கு அபராதம் விதிக்கும் பணியில் ஈடுபடுத்தப்படுகிறது. உறையூா், கிராப்பட்டி, எடமலைப்பட்டி புதூா், தென்னூா், தில்லைநகா், பாலக்கரை, அரியமங்கலம், பொன்மலை, திருவெறும்பூா், சுப்பிரமணியபுரம், காஜாமலை, கே.கே.நகா், நவல்பட்டு, விமான நிலையம், கருமண்டபம், திருவானைக்கா, திருவரங்கம் என சுழற்சி அடிப்படையில் 65 வாா்டுக்குள்பட்ட பிரதான சாலைகள், மாநகரச் சாலைகள், நெடுஞ்சாலைகளில் மாடுபிடி வாகனம் ரோந்து சுற்றி வருகிறது. இதுதொடா்பாக, திருச்சி மாநகராட்சி அலுவலா்கள் கூறியது: முன்பு மாநகராட்சியின் துப்புரவுப் பணியாளா்களைக் கொண்டு மாடுகளைப் பிடித்து அபராதம் விதித்து வந்தோம். சாலைகளில் திரியும் கால்நடைகளால் தொல்லைகள் அதிகரிப்பதாக தொடா்ந்து புகாா்கள் வந்ததால், மாடுகளைப் பிடிக்கும் பணியை ஒப்பந்தம் அளித்துள்ளோம். ஒப்பந்தம் எடுத்துள்ளவா்கள் தனியாக ஆள்களை நியமித்து மாடுகளைப் பிடித்து வருகின்றனா். மாடுகளைப் பிடித்து மாடு ஒன்றுக்கு ரூ.5 ஆயிரம் அபராதம் வசூலித்து மாநகராட்சியில் செலுத்தினால், ஒப்பந்ததாரருக்கு குறிப்பிட்ட தொகை வழங்கப்படுகிறது. இதேபோல, கன்றுகளுக்கு ரூ.2,500 அபராதம் வசூலிக்கப்படுகிறது. மாடுகளைப் பிடித்தால் மட்டுமே ஊதியம் என்றாகிவிட்டதால் இந்தப் பணியில் ஈடுபடும் நபா்கள் நாள்தோறும் தவறாமல் தங்களது பணிகளை மேற்கொண்டு வருகின்றனா். வயலூா் சாலை, குழுமணி சாலை, திருவெறும்பூா் சாலை, பால்பண்ணை, காந்திசந்தை, சாஸ்திரி ரோடு, உழவா் சந்தை, அண்ணா நகா், நீதிமன்றம், மேலரண்சாலை, கீழரண்சாலை, மாம்பழச் சாலை, திருவரங்கம் கோயில் சுற்று வீதிகள் ஆகிய இடங்களில் தினந்தோறும் மாடு பிடி வாகனம் சுற்றி வருகிறது. இவைத்தவிர பொதுமக்களிடமிருந்து வரும் புகாா்களின்பேரில் அந்தந்த இடங்களுக்கு உடனே சென்று மாடுகள் பிடிக்கப்படுகின்றன. பசுமாடுகள், காளை மாடுகள், கன்றுக்குட்டிகள், குதிரைகள் என சாலையில் சுற்றித்திரியும் அனைத்து கால்நடைகளையும் பிடித்து கோணக்கரையில் உள்ள மாநகராட்சி பராமரிப்பு மையத்தில் பராமரிக்கப்படுகிறது. ஒரு வாரத்துக்குள் உரிமையாளா் நேரில் வந்து அபராதம் செலுத்தி மீட்டுக் கொள்ள வேண்டும். அபராதம் விதித்தாலும் சாலைகளில் கால்நடைகள் திரிவது வாடிக்கையாக உள்ளதாக புகாா்கள் வருகின்றன. எனவே, கால்நடைகளை ஏலம் விடும் நடவடிக்கையையும் மாநகராட்சி நிா்வாகம் தொடங்கியுள்ளது. இதுமட்டுமல்லாது, மாநகரில் உள்ள மாடு வளா்க்கும் உரிமையாளா்கள் குறித்து கணக்கெடுப்பு நடத்தி அவா்களுக்கு நோட்டீஸ் வழங்குவது மற்றும் கோட்டம் வாரியாக ஆலோசனைக் கூட்டங்கள் நடத்தி அறிவுரைகள் வழங்குவது தொடா்ந்து வருகிறது. செல்லப் பிராணிகளான ஆடுகள், மாடுகள், குதிரைகள், நாய்கள், பறவைகள் வளா்க்க பிராணிகள் வதை தடுப்புச் சட்டத்துக்குள்பட்டு உரிமம் பெற்றிருக்க வேண்டும். தகுந்த பாதுகாப்பு வசதிகளும் செய்திருக்க வேண்டும். இதற்காக மாநகராட்சியிடம் விண்ணப்பித்து கட்டணம் செலுத்தி உரிமம் பெற வேண்டும். இந்த வகையில் உரிமம் பெறாமலோ, பாதுகாப்பு வசதிகள் இல்லாமலோ பொது இடங்களில் கால்நடைகளை திரிய விட்டால் சட்டப்படி நடவடிக்கை எடுக்கப்படும் என்றனா். திருச்சி மாநகராட்சி நகா் நல அலுவலா் மணிவண்ணன் கூறும் போது,” தமிழ்நாடு நகா்ப்புறங்களில் உள்ள விலங்குகள் மற்றும் பறவைகள் (கட்டுப்பாடு மற்றும் ஒழுங்குமுறை விதிகள்) சட்டம் 1997-ன் அடிப்படையில், கால்நடைகள் வளா்ப்பதற்கான விதிமுறைகளை மீறுவோருக்கு 3 ஆண்டு வரை சிறைத் தண்டனை அல்லது ரூ.5,000 வரை அபராதம் அல்லது இரண்டும் விதிக்க முடியும். எனவே, சாலையில் திரியும் கால்நடைகளைப் பிடித்து அவற்றின் உரிமையாளா்களுக்கு அதிக அபராதம் விதிக்கப்படுகிறது. இந்த வகையில், கடந்தாண்டு மாா்ச் தொடங்கி செப்டம்பா்-2024 வரையில் ரூ.14 லட்சம் அபராதம் வசூலிக்கப்பட்டுள்ளது. பிடிபடும் மாடுகளை கோரி யாரும் வரவில்லையென்றால் ஏலம் விடப்படுகிறது. இந்த வகையில் 15 கால்நடைகள் ஏலம் விடப்பட்டு ரூ.2.50 லட்சம் கிடைத்துள்ளது” என்றார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

வாகன ஓட்டிகளுக்கு இடையூறு ஏற்படுவதாக பாதசாரிகள் புகார் தெரிவித்தும், Free Left'ல் செல்ல கடினமாக இருப்பதாகக் கூறுகிறார்கள்; போக்குவரத்தை ஒழுங்குபடுத்த நடவடிக்கை எடுக்கப்பட்டுள்ளதாக போலீசார் தெரிவித்தனர் திருச்சி, புதுக்கோட்டை மெயின் ரோட்டில் ஆட்டோரிக்‌ஷா மற்றும் இருசக்கர வாகனங்களை கண்மூடித்தனமாகவும், அனுமதியின்றியும் நிறுத்துவதால், வாகன போக்குவரத்துக்கு இடையூறாக இருப்பதுடன், சாலையில் செல்வோருக்கு அச்சுறுத்தலாக உள்ளது. TVS டோல்கேட்டை இணைக்கும் இந்த சாலையில், நாள் முழுவதும் கடும் நெரிசல் ஏற்படுகிறது. வாகனங்கள் இடையூறுகளை ஏற்படுத்துவதாக பாதசாரிகள் புகார் தெரிவித்தும், Free Left'ல் செல்ல கடினமாக இருப்பதாகக் கூறுகிறார்கள் பீக் ஹவர்ஸ் நேரங்களில் போக்குவரத்து நெரிசல் அதிகமாகி, சாலையின் இருபுறமும் வாகனங்களை நிறுத்துவதால், பொதுமக்கள் அவதிப்படுகின்றனர். பல வணிக நிறுவனங்கள் மற்றும் உணவகங்கள் அமைந்துள்ள சாலையின் இடதுபுறத்தில் இரு சக்கர வாகனங்கள் நிறுத்தப்படுகின்றன, அதே நேரத்தில் ஆட்டோரிக்‌ஷாக்கள் ஒன்றன் பின் ஒன்றாக, போக்குவரத்து சிக்னலை ஒட்டி, பாதையை குறைக்கின்றன. இந்த வழித்தடம் நகரின் முக்கிய பகுதிகளை இணைப்பதால், வாகனங்கள் அதிகளவில் இயக்கப்படுவதால், அடிக்கடி போக்குவரத்து நெரிசல் ஏற்படுவதால், வாகன ஓட்டிகளுக்கு சிரமம் ஏற்படுகிறது,'' என்கின்றனர். வாகனங்கள் சாலையில் நிறுத்துவதால் சாலையின் அகலத்தைக் குறைக்கிறது, வாகனங்கள் மெதுவாகச் செல்ல வேண்டிய கட்டாயம் மற்றும் போக்குவரத்து நெரிசலுக்கு வழிவகுக்கிறது. சமீபகாலமாக, சாலையோர உணவகங்கள் மற்றும் வியாபாரிகள் சாலையை ஆக்கிரமித்து வருகின்றனர். நடைபாதையில் தெருவோர வியாபாரிகள் ஆக்கிரமிப்பு செய்வதும் பிரச்னையை அதிகரிக்கிறது. “ஒழுங்கற்ற முறையில் பார்க்கிங் செய்வது வாகனம் ஓட்டுவது ஒரு பாதுகாப்பு இல்லாமல் உள்ளது. பல கடைக்காரர்கள் தங்கள் வாகனங்களை சாலையில் திறந்தவெளி கிடைக்கும் இடங்களில் நிறுத்துகின்றனர்,” என்று கூறுகின்றனர். மேலும் கூறுகையில், பயனுள்ள போக்குவரத்து மேலாண்மை திட்டம் வகுக்கப்பட வேண்டும். "பெரும்பாலான சாலைகள், வியாபாரிகள், உணவகங்கள் அல்லது நிறுத்தப்பட்ட வாகனங்களால் ஆக்கிரமிக்கப்பட்டு, பொதுமக்களுக்கு சிரமத்தை ஏற்படுத்துகின்றன. போக்குவரத்து நெரிசலை சீரமைத்து, அசம்பாவிதம் ஏற்படும் முன், அதிகாரிகள் முற்றுப்புள்ளி வைக்க வேண்டும்,'' என்கின்றனர். நகரில் வாகன நிறுத்த விதி மீறல்களை தடுக்க நடவடிக்கை எடுக்கப்பட்டுள்ளதாக மூத்த போலீஸ் அதிகாரி ஒருவர் தெரிவித்தார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

ரயில் அருங்காட்சியத்திற்கு மேலும் ஒரு அடையாளத்தை சேர்க்கும் வகையில் ரயில்வே கேண்டீன் ஒன்றும் அமைக்கப்பட இருப்பதாக தகவல் வெளியாகியது. ஆனால் இதற்கான பணிகள் அனைத்தும் நீண்ட நாட்களாக நடைபெறாமல் இருந்து வந்த நிலையில் தற்போது இந்த கேண்டீன் அமைக்கும் பணிகள் தீவிரமடைந்து இருக்கிறது. இந்த ரயில்வே கேண்டீனில் நிஜ ரயில் பெட்டியை வைத்து அமைக்கப்பட்டு வருகிறது. இதற்காக அருங்காட்சியகத்தின் வலதுபுற காம்பவுண்ட் சுவர் அகற்றப்பட்டு ரயில்வே தண்டவாளம் அந்த பகுதியில் அமைக்கப்பட்டு இந்த ரயில் பெட்டியானது நிறுத்தப்பட்டுள்ளது. பழைய ரயில் பெட்டியை ரயில் அருங்காட்சியகத்தில் உள்ள உணவகமாக மாற்றுவது தொடர்பான 80%க்கும் அதிகமான பணிகள் முடிவடைந்த நிலையில், முழுத் திட்டமும் விரைவில் முடிக்க திட்டமிடப்பட்டுள்ளது. பொதுமக்களுக்கு தனித்துவமான உணவு அனுபவத்தை வழங்குவதற்காக, ரெயில் பெட்டியின் உட்புறப் பணிகள் நடைபெற்று வருகின்றன. திருச்சி ரயில்வே ஜங்ஷனுக்கு அருகாமையில் அமைந்துள்ள ரயில் அருங்காட்சியகத்திற்குள் 'Restaurant on Coach' அமைப்பதற்கான பணிகள் கடந்த ஆண்டு இறுதியில் தொடங்கப்பட்டு, கான்கிரீட் தரைத்தளத்தில் அகல ரயில் பாதை அமைக்கப்பட்டது. திருச்சியில் உள்ள கோல்டன் ராக் ரயில்வே பணிமனையில் இருந்து பழமையான மற்றும் பயன்படுத்தப்படாத அகல ரயில் பெட்டியை உணவகமாக மாற்றுவதற்காக கொண்டு வரப்பட்டது. ஒரு தனியார் நிறுவனத்திற்கு பெட்டியைப் புதுப்பித்து அதை ஒரு உணவகமாக மாற்றி ஐந்து ஆண்டுகளுக்கு இயக்குவதற்கான ஒப்பந்தம் வழங்கப்பட்டது. குழாய்கள் மற்றும் தரை ஓடுதளம் அமைக்கும் பணிகள் கிட்டத்தட்ட 85% பணிகள் முடிவடைந்துள்ளதாக ரயில்வே வட்டாரங்கள் தெரிவிக்கின்றன. பெட்டியின் உட்புறப் பணிகள் முழுவதுமாக மாற்றியமைக்க தற்போது நடைபெற்று வருகின்றன. புதுப்பிக்கப்பட்ட பெட்டியில் அறைகலன்கள் மற்றும் பிற உபகரணங்கள் இருக்கும். புதுப்பிக்கப்பட்டவுடன், புதிய தோற்றப் பெட்டியில் சுமார் 100 முதல் 120 இருக்கைகள் கொண்ட சாப்பாட்டு அறை மற்றும் பார்வையாளர்களுக்கு ஏராளமான உணவுப் பொருட்களை வழங்குவதற்கு உள்ளே ஒரு சமையலறைக்கு தனி இடம் இருக்கும். மறுசீரமைப்பு பணிகள் ஆறு வாரங்களில் முடிக்க திட்டமிடப்பட்டுள்ளது, உரிமம் பெற்றவர் ஒப்பந்தத்தின் கீழ் ஐந்து ஆண்டுகளுக்கு திருச்சி ரயில்வே கோட்டத்திற்கு ஆண்டுக்கு உரிமக் கட்டணத்தை செலுத்துவார் என்று வட்டாரங்கள் தெரிவித்தன. 'Restaurant on Coach' என்பது ரயில் கட்டணமில்லா வருவாயை ஈட்டுவதற்கும், குளிரூட்டப்பட்ட புதுப்பிக்கப்பட்ட ரயில் பெட்டிக்குள் பார்வையாளர்களுக்கு வித்தியாசமான உணவு அனுபவத்தை வழங்குவதற்குமான ஒரு முயற்சியாகும். இந்த பணிகள் அனைத்தும் விரைந்து நடைபெற்று வருவதால் விரைவில் பொதுமக்களின் பயன்பாட்டிற்காக திறக்கப்படும் என ரயில்வே கோட்ட அதிகாரிகள் தெரிவித்துள்ளனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb  

திருச்சி மாநகர், தனியார் நட்சத்திர ஹோட்டலில் மதிமுக முதன்மை செயலாளரும், திருச்சி நாடாளுமன்ற உறுப்பினருமான துரை வைகோ திருச்சியில் செய்தியாளர்களுக்கு பேட்டியளித்து போது கூறியது.. திருச்சி விமான நிலையத்தில் இந்திய விமான நிலைய ஆணையத்தின் கூட்டம் நடைபெற்றது. இதில் பல்வேறு கோரிக்கைகளை வைத்துள்ளேன். திருச்சி விமான நிலையம் சர்வதேச தரத்துடன் அமைந்துள்ளது. அதே நேரத்தில் அங்கு போதிய ஒடுதளம் இருந்தால் தான் விமானங்கள் வந்து செல்ல முடியும். எனவே ஓடு தள விரிவாக்க பணிகளை விரைந்து முடிக்க கோரிக்கை வைத்துள்ளேன். விமான நிலையத்தில் இஸ்லாமியருக்கு தொழுகைக்கு இட ஒதுக்கீடு செய்ய வேண்டும். இ-வாகனம் சேவை, கார்கோ விமானம் இயக்க பரிசீலனை செய்ய வேண்டும். மேலும் விமான நிலையத்தில் பயணிகளை சோதனை செய்ய கவுண்டர்கள் அதிகம் அளவில் இருந்தாலும் அதிகாரிகள் குறைவு, பயணிகள் வருகை அதிக அளவில் உள்ளதால் அதிகாரிகள் அதிக அளவில் நியமிக்க பரிந்துரை செய்துள்ளேன். திருச்சி விமான நிலைய விரிவாக்கம் பணிகள் 95 சதவீதம் முடிந்து விட்டது. மீதமுள்ள 5 சதவீத பணிகளை துரிதப்படும் வகையில் பேசி வருகிறோம். 155 ஏக்கர் பாதுகாப்புத்துறை இடம் இருந்து நிலங்கள் பெறப்பட்டுள்ளது. சில கிராமங்களுக்கான பாதை நடைபெறுவதால் தொடர்ந்து பேசி வருகிறோம் விரைவில் அந்த நிலங்களும் கையகப்படுத்தப்படும். திருச்சி விமான நிலையத்தில் சமஸ்கிருத்தில் பெயர் பலகை இருந்தது தேவையிலலாத ஒன்றாகும். அதனை படித்தால் பயணிகளுக்கு ஏதும் தெரியாது. தற்சமயம் மூன்று பேருந்துகள் விமான பயணிகளை ஏற்றி, இறக்கிவிட ஏற்பாடு செய்யப்படுள்ளது. விமான நிலையத்தில் நிரந்தர பேருந்து சேவை தொடங்க தமிழக அரசு நடவடிக்கை எடுக்க வேண்டும் என்று கோரிக்கை வைத்துள்ளனர். வக்பு போர்டு சட்ட திருத்தம் தேவையில்லை. மேலும் வளர்ந்து வரும் நகரங்களில் மெட்ரோ ரயில் திட்டம் என்பது தேவைப்படும். அந்த வகையில் திருச்சிக்கு மெட்ரோ ரயில் திட்டம் நிச்சயம் தேவை என்றார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

வருவாய்த்துறை சார்பில் கூறப்பட்டதாவது, 268 ஏக்கர் நிலமானது திருவெறும்பூரில் சூரியூர் பகுதியில் மத்திய அரசிடம் நிறுவனத்திற்காக ஒப்படைக்கப்பட்டிருந்தது. அதனை திரும்பப்பெறப்பட்டது. இதில் 50 ஏக்கர் நிலம் இலந்தைப்பட்டியில் ஒலிம்பிக் அகாடமிக்காக தமிழ்நாடு விளையாட்டு மேம்பாட்டு ஆணையத்துக்கு வழங்கப்பட்டுள்ளது. இந்த ஒலிம்பிக் அகாடமியில் 24 விளையாட்டுகள் பயிற்சி பெறும் வகையில் அமைக்கப்பட இருக்கிறது. அகடாமிக் வளாகத்துடன், அட்மின் கட்டிடமும் அமைக்கப்பட இருக்கிறது. இதுமட்டுமல்லாமல் கிரிக்கெட் விளையாடுவதற்கு மைதானமும் அமைக்கப்பட இருப்பதாக தகவல் வெளியாகி உள்ளது. இதனுடன் வீரர்கள் வீராங்கணைகள் தங்குவதற்கு தனித்தனியாக ஹாஸ்டலும் அமைக்கப்பட இருக்கிறது. இதற்கு நிதி விரைவில் ஒதுக்கீடு செய்யப்படும் என எதிர்பார்க்கப்படுகிறது. இதேபோல் டைடல் பார்க் தொடர்பாகவும், டெண்டர் பணிகள் அனைத்தும் நடைபெற்று வருகிறது. விரைவில் இறுதி செய்யப்படும். இந்த மாதத்திற்குள் அந்தப்பணிகள் அனைத்தும் நடைபெறும். இது இறுதி ஆனதும் இந்த ஆண்டுக்குள் பணிகள் அனைத்தும் தொடங்கப்படும். இந்த டைடல் பூங்காவானது 14 ஏக்கர் நிலப்பரப்பில் பஞ்சப்பூர் பேருந்து முனையத்துக்கு அருகில் அமைக்கப்பட இருக்கிறது. இதற்காக தமிழக அரசு சார்பில் 600 கோடி ரூபாய் நிதி ஒதுக்கீடு செய்யப்பட்டுள்ளது. இது பல்வேறு கட்டங்களாக செயல்படுத்த திட்டமிடப்பட்டுள்ளது. 5.5 சதுர அடி பரப்பளவில் தனியாக 2 டவர்கள் அமைக்கப்படும் என எதிர்பார்க்கப்படுகிறது. இதில் முதல் டவரானது 2026-ம் ஆண்டுக்குள் முடிக்க திட்டமிடப்பட்டுள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

துவரங்குறிச்சி, அதவத்தூர், அம்மாபேட்டை துணைமின் நிலையங்களில் மாதாந்திர பராமரிப்பு பணிகள் மேற்கொள்ளப்பட உள்ளதால் துவரங்குறிச்சி துணை மின் நிலையத்திலிருந்து மின்விநியோகம் பெறும் பஞ்சாயத்து, செவந்தம்பட்டி, சடவெலம்பட்டி, அதிகாரம், ஆலம் பட்டி, தெத்தூர், உசிலம்பட்டி, அழகாபுரி, அக்கியம் பட்டி, ராமாயாபுரி, பிடாரிபட்டி, ஐக்கியக்குறிச்சி, கருப்பட்டி, கலக்கம் பட்டி, வேல குறிச்சி, கரடிப்பட்டி அதவத்தூர் துணை மின் நிலையத்திலிருந்து மின்விநியோகம் பெறும் புலியூர், தாயனுர், புங்கனுர், இனியனுர், சோமரசம்பேட்டை, குழுமணி, வயலூர், நாச்சிக்குறிச்சி, முள்ளிகரும்பூர், எட்டரை, கோப்பு, அல்லித்துறை, பெரிய கருப்பூர், மல்லியம்பத்து அம்மாபேட்டை துணை மின்நிலையத்தில் இருந்து மின் வினியோகம் பெறும் தாயனுர் சந்தை, கல்லக்குடி, இனாம்குளத்தூர், ஆலம்பட்டிபுதூர், வெள்ளிவாடி, அம்மாபேட்டை, கரியம்பட்டி, மறவானுர் சமுத்திரம், சத்திரப்பட்டி, ராம்ஜி நகர், சமத்துவபுரம் ஆகிய பகுதிகளில் காலை 09:45 மணி முதல் மணி மாலை 04:00 வரை மின் விநியோகம் இருக்காது திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சி சர்வதேச விமான நிலையத்தின் Customs மற்றும் Immigrationக்கு பிரிவுகளில் வெளிநாட்டுப் பயணிகளின் நடைமுறைகளை முடிப்பதற்கான காத்திருப்பு நேரத்தைக் குறைக்கும் வகையில் கூடுதல் பணியாளர்களை ஈடுபடுத்துவது குறித்து மத்திய அரசிடம் எடுத்துக் கூறுவதாக திருச்சி மக்களவை எம்பி துரை வைகோ தெரிவித்தார். "புதிய முனைய கட்டிடத்தில் இரு பிரிவுகளுக்கும் பல கவுண்டர்கள் ஒதுக்கப்பட்டிருந்தாலும், பணியாளர்களின் எண்ணிக்கை குறைவாகவே இருந்தது" என்று அவர் கூறினார். விமான நிலையத்தில் இரு வெளிநாட்டு விமானங்கள் விரைவாக தரையிறங்கும் போது, ​​சர்வதேச பயணிகளுக்கான நடைமுறைகளை முடிப்பதற்கான காத்திருப்பு நேரம் பீக் ஹவர்ஸில் அதிகரிக்கிறது. விமான நிலையத்தில் Customs மற்றும் Immigrationக்கு பிரிவுகளுக்கு கூடுதல் பணியாளர்களை நியமிப்பது குறித்து சம்பந்தப்பட்ட மத்திய அமைச்சகங்களுடன் நடவடிக்கை எடுப்பதாக வைகோ கூறினார். செய்தியாளர்களிடம் பேசிய வைகோ, விமான நிலையத்தின் வருகை மற்றும் புறப்படும் பகுதிகளில் மருந்தகம் அமைக்க விமான நிலைய அதிகாரிகளிடம் கோரிக்கை விடுத்துள்ளதாகவும், இந்த ஆலோசனைக்கு அதிகாரிகள் ஒப்புக்கொண்டதாகவும் கூறினார். ஓடுபாதை விரிவாக்கத்தின் நிலை குறித்த கேள்விக்கு பதிலளித்த திரு.துரை வைகோ, தற்போது வரை கிட்டத்தட்ட 95% நிலம் கையகப்படுத்தும் பணி முடிந்துவிட்டதாக மாவட்ட நிர்வாகம் மற்றும் விமான நிலைய அதிகாரிகளால் சமீபத்தில் தனக்குத் தெரிவிக்கப்பட்டதாகவும், பிரச்சினையை உன்னிப்பாக கவனித்து வருவதாகவும் கூறினார். . வருகை மற்றும் புறப்படும் பகுதிகளில் தங்கள் அருகில் உள்ளவர்களை பார்க்க அல்லது வரவழைக்க வரும் பார்வையாளர்களுக்கு கழிப்பறைகள் அமைக்க விமான நிலைய அதிகாரிகளுக்கு தெரிவித்துள்ளதாக வைகோ கூறினார். இருபுறமும் கழிப்பறைகள் அமைக்கத் திட்டம் இருப்பதாக விமான நிலைய அதிகாரிகள் அவரிடம் கூறியதாக அவர் மேலும் கூறினார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சி-கரூர் அகல ரயில் பாதைக்கு மேல் 10 கோடி ரூபாய் செலவில் மேம்பாலம் திட்டத்தின் ரயில்வே பகுதியை தெற்கு ரயில்வே கட்டுமான அமைப்பு மேற்கொள்ளும். திருச்சி கோட்டை ஸ்டேஷன் அருகே புதிய மேம்பாலத்தின் ரயில்வே பகுதியை கட்டுவதற்கு தெற்கு ரயில்வே டெண்டர் விடப்பட்டுள்ளது. ரயில்வே மற்றும் திருச்சி மாநகராட்சி இணைந்து கட்டப்பட்ட புதிய மேம்பாலம், பழைய காலத்தில் கட்டப்பட்ட பழைய கட்டமைப்பை மாற்றும். தென்னக ரயில்வே கட்டுமான அமைப்பு, மின்சாரமயமாக்கப்பட்ட திருச்சி-கரூர் அகல ரயில் பாதைக்கு மேல் ₹10 கோடி செலவில் மேம்பாலம் திட்டத்தின் ரயில்வே பகுதியை மேற்கொள்ளும். தற்போதுள்ள பாலம், 150 ஆண்டுகளுக்கு மேல் பழமையானது, கோட்டை ஸ்டேஷன் சாலையில் அமைந்துள்ளது. இந்த பாலம் பரபரப்பான சாலை ரோடு மற்றும் மலைக்கோட்டையை இணைக்கிறது. ஏலங்களை ஆய்வு செய்து மதிப்பீடு செய்த பிறகு, ஒப்புதல் கடிதம் இந்த மாத இறுதிக்குள் ஏஜென்சிக்கு வழங்கப்படும் என்று எதிர்பார்க்கப்படுகிறது என்று ரயில்வே வட்டாரங்கள் தெரிவித்தன. ரயில்வே துறை தனது பணிகளை நவம்பர் மாதம் தொடங்கும் என்று எதிர்பார்க்கப்படுகிறது. மாநகராட்சியும், தெற்கு ரயில்வேயும் மேம்பாலம் கட்டுவதற்கு முன்னதாக புரிந்துணர்வு ஒப்பந்தத்தில் கையெழுத்திட்டன. பாலத்தின் இருபுறமும் அணுகு சாலை அமைக்கும் பணியை நகராட்சி நிர்வாகம் ஏற்கனவே தொடங்கியுள்ளதாக மாநகராட்சி வட்டாரங்கள் தெரிவித்தன. இதுவரை 20 சதவீத பணிகள் நிறைவடைந்துள்ளன. மாநகராட்சி தனது பகுதியை முடிக்க ₹30 கோடிக்கு மேல் செலவிடும். நான்கு மாதங்களில் பணிகளை முடிக்க, மாநகராட்சி திட்டமிட்டுள்ளது. தற்போதுள்ள பாலம் குறுகலாக உள்ளதால், பல ஆண்டுகளாக வலுவிழந்ததால், புதிய மேம்பாலம் தேவைப்பட்டது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb