திருச்சிராப்பள்ளி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் (18.10.2024) (வெள்ளிகிழமை) சிறிய அளவிலான தனியார்துறை வேலைவாய்ப்பு முகாம் நடைபெறவுள்ளது. இத்தனியார்துறை வேலைவாய்ப்பு முகாமில் 10ஆம் வகுப்பு தேர்ச்சி, பன்னிரெண்டாம் வகுப்பு, ஐ.டி.ஐ. இளநிலை மற்றும் முதுநிலை பட்டதாரிகள் மற்றும் பொறியியல் படிப்புகள் போன்ற கல்வித்தகுதிகளையுடைய 18 வயது முதல் 40 வயதிற்குட்பட்ட வேலைநாடுநர்கள் மற்றும் மாற்றுத்திறனாளிகள் சுய விவரக்குறிப்பு (Bio-data), அனைத்து கல்விச்சான்றுகளின் நகல்கள், ஆதார் அட்டை மற்றும் பாஸ்போர்ட் அளவு புகைப்படம் ஆகியவற்றுடன் கலந்து கொண்டு பயன்பெறலாம். மேலும் தகவல்களுக்கு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தினை நேரிலோ அல்லது (0431-2413510), (94990-55901) & (94990-55902) என்ற தொலைபேசி எண்களிலோ தொடர்பு கொள்ளலாம் திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

திருச்சி சந்திப்பு ரயில்நிலைய பழைய பாலத்துக்கு மாற்றாக ரூ.138 கோடியில் புதிய பாலம் கட்டப்படவுள்ளதால், மாநகரில் கடந்த 12-ஆம் தேதி நள்ளிரவு முதல் போக்குவரத்தில் மாற்றம் செய்யப்பட்டுள்ளது. போக்குவரத்து மாற்றம் தொடா்பாக புகா்ப் பகுதிகளில் அறிவிப்புப் பலகைகள் எங்கும் இல்லை. இதன்காரணமாக, வெளிமாவட்டங்களிலிருந்து வரும் கனரக வாகனங்கள் பலவும் மாநகருக்குள் வந்துவிடுகின்றன. இதனால், ஏற்கெனவே போக்குவரத்து மாற்றத்தால் நெரிசலில் தவிக்கும் மாநகரின் பிரதான சாலைகள் வாகன நெரிசலில் சிக்கி திணறுகின்றன. திண்டுக்கல் சாலையில் வண்ணாங்கோவில், மதுரை சாலையில் மணிகண்டம் ஆகிய இடங்களில் கட்டாயம் அறிவிப்பு பலகை வைக்க வேண்டும். அப்போதுதான் பிற மாவட்டங்களில் இருந்து வரும் கனரக வாகனங்கள் திருச்சிக்குள் வராமல் புறவழிச் சாலை வழியாக செல்லும். தீபாவளி பண்டிகைக் காலம் என்பதால் போக்குவரத்து மாற்றமும் கூடுதல் நெருக்கடியை அளிக்கும் என்பதை உணா்ந்து மாற்று ஏற்பாடுகளை முறையாக செய்ய வேண்டும் என்கின்றனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

நகராட்சி நிர்வாகத் துறை அமைச்சர் கே.என்.நேரு பஞ்சப்பூரில் புதிதாக கட்டப்பட்டு வரும் ஒருங்கிணைந்த பேருந்து நிலையத்தின் கட்டுமான பணிகளை நேரில் பார்வையிட்டு ஆய்வு மேற்கொண்டு பணிகளை விரைவாக மேற்கொள்ள அலுவலர்களுக்கு ஆலோசனை வழங்கினார். இந்த பேருந்து முனையமானது 40.60 ஏக்கர் மொத்த பரப்பளவில் பஞ்சப்பூரில் கடந்த சில ஆண்டுகளாக கட்டப்பட்டு வந்தது. இந்த பேருந்து நிலையத்தில் சுமார் 124 புறநகர் பேருந்துகளை நிறுத்தும் வகையிலும், 142 நீண்ட நேர பேருந்துகளை நிறுத்தும் வகையில் அமைக்கப்பட்டு வந்தது. இந்த பேருந்து நிலையத்தில் 78 குறைந்த நேர நிறுத்த தடங்கள் என மொத்தமாக சேர்த்து 404 பேருந்து நிறுத்த இடங்களிளும் 60 நகரப்பேருந்து நிறுத்த இடங்களும் 70 கடைகள் என மிகவும் மிகப்பிரம்மாண்டமாக அமைக்கப்பட்டு இருக்கிறது. சென்னையில் கலைஞர் நூற்றாண்டு பேருந்து நிலையத்திற்கு ஈடாக இந்த பேருந்து முனையமானது அமைக்கப்பட்டுள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, விழுப்புரம், திருவண்ணாமலை, கடலூர், அரியலூர், கள்ளக்குறிச்சி, பெரம்பலூர், தஞ்சை, புதுச்சேரி உள்ளிட்ட பகுதிகளில் நாளை மிக கனமழை பெய்ய வாய்ப்பு. வேலூர், திருப்பத்தூர், கிருஷ்ணகிரி, தருமபுரி, சேலம், திருச்சி, புதுக்கோட்டையில் நாளை கனமழைக்கு வாய்ப்பு - சென்னை வானிலை மையம். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

*கல்லூரியில் இருப்பாள் மகள்;  அம்மாவுக்கு வரும் போன்கால்: உஷாரா இருக்கச் சொல்லும் போலீஸ்!* சென்னை: 'கல்லூரியில் படிக்கும் உங்கள் மகள் குற்றம் செய்துவிட்டதாக கூறி, மொபைல் போனில் பேசும் நபர்களிடம் பெற்றோர் எச்சரிக்கையாக இருக்க வேண்டும்' என்று முன்னாள் டி.ஜி.பி. சைலேந்திர பாபு அறிவுறுத்தி உள்ளார். இப்போதைய இணைய உலகம்...  இம்சையான உலகம் என்று சொல்லலாம். காலம் சுருங்கிவிட்டாலும், கண்முன் நடக்கும் குற்றங்கள் என்னவோ குறையவில்லை. . தொழில்நுட்பம் வளர,வளர நுட்பமாக குற்றங்கள் தினுசு, தினுசாக உதயமாகிறது. அப்படி நிகழும் ஒரு குற்றங்களில் ஒரு வகை, அவற்றில் இருந்து தப்பியிருப்பது எப்படி என்று முன்னாள் டி.ஜி.பி. சைலேந்திர பாபு எச்சரிக்கை வீடியோ ஒன்றை வெளியிட்டு உள்ளார். அந்த வீடியோவில் அவர் கூறி உள்ளதாவது; கல்லூரியில் படிக்கும் மகள் பெயரை சொல்லி அவரின் தாயாருக்கு மொபைல் போனில் அழைப்பு வருகிறது. உங்கள் மகள் பாலியல் தொழில் செய்கிறார், கையும், களவுமாக பிடிபட்டார் என்று காவல்துறையில் இருந்து பேசுவதாக ஒருவர் கூறுகிறார். இதைக் கேட்டு தாய் மயங்கி விழுகிறார். சிறிதுநேரம் கழித்து மயக்கம் தெளிந்த பின்னர், அந்த குறிப்பிட்ட போன் நம்பரை தொடர்பு கொள்ளும் தாய், 'என்ன செய்ய வேண்டும்' என்று கேட்கிறார்.  'ஒரு லட்சம் ரூபாய் அனுப்புங்கள், எல்லாம் சரி செய்துவிடுகிறோம்' என்று மறுமுனையில் கூற. பணத்தை தாய் அனுப்புகிறார். பின்னர் தமது மகளுக்கு தாய் போன் செய்தபோது தான், அப்படி ஒரு சம்பவமே நடக்கவில்லை என்பதும், மோசடிப் பேர்வழிகள் தாயிடம் பொய்யான ஒரு சம்பவத்தை சொல்லி மிரட்டி, தாயிடம் பணம் பறித்திருப்பதும் தெரியவருகிறது. இதுபோன்ற சம்பவம் வேறு ஒரு தாயாருக்கு நிகழ்ந்திருக்கிறது.  'கல்லூரியில் படிக்கும் உங்கள் மகள் போதை பொருள் கடத்தி சிக்கிக் கொண்டுள்ளார், இதோ எங்கள் பக்கத்தில் தான் நின்றுகொண்டு அழுகிறார்' என்று கூறி போனில் ஏதோ ஒரு பெண்ணின் அழுகுரலை ஒலிக்க செய்கின்றனர்.  இதை கேட்ட தாய் அங்கேயே மாரடைப்பு வந்து இறந்துபோகிறார். இதுபோன்ற சம்பவங்கள் அண்மைக்காலமாக அரங்கேறி வருகிறது. உங்கள் மகள் கல்லூரியில் படித்துக் கொண்டிருந்தால் எச்சரிக்கையாக இருக்கவும்.  இப்படி ஏதேனும் ஒரு போன்கால் வந்தால் அதை சட்டை செய்ய வேண்டாம். இவ்வாறு சைலேந்திரபாபு அந்த வீடியோ பதிவில் கூறி தாய்மார்களை அலர்ட் செய்துள்ளார்.   திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb

SpaceX- ன் ராக்கெட்டான Starship Flight5-ஐ விண்ணில் செலுத்திய பிறகு, அதை ஏவுவதற்கு பயன்படுத்திய பூஸ்டரை மீண்டும் ஏவுதளத்தில் லாவகமாக பிடித்து விஞ்ஞானிகள் புதிய சாதனை. வலைதளங்களில் பலரும் இதன் வீடியோவை பகிர்ந்து “என்னால் இதை நம்பவே முடியவில்லை” என ஆச்சரியத்துடன் பதிவு செய்து வருகின்றனர்  

மத்தியப் பிரதேசம்: தசாரா கொண்டாட்டத்தின்போது | திடீரென மாரடைப்பு ஏற்பட்டு துடித்த நபருக்கு CPR முதலுதவி செய்து உயிரைக் காப்பாற்றிய காவல் உதவி ஆணையர் சுனில் திவாரி! பின் அந்த நபரை உடனடியாக மருத்துவமனைக்கு அனுப்பிவைத்தார். இந்த வீடியோ இணையத்தில் வைரலாகி வருகிறது. துரிதமாக செயல்பட்ட சுனில் திவாரிக்கு பொதுமக்கள் பாராட்டு தெரிவித்து வருகின்றனர்  

ராஜஸ்தான் மாநிலம் ஜெய்ப்பூர் சாலையில் தீப்பிடித்த நிலையில் கார் ஓட ஆரம்பித்ததால் பரபரப்பு. வேடிக்கை பார்த்துக் கொண்டிருந்த பொதுமக்கள் அலறியடித்து ஓட்டம். வாகனத்தில் இருந்து புகை வருவதை பார்த்ததும் மேம்பாலத்தில் நிறுத்திய ஓட்டுநர். தீப்பிடித்த வாகனம் திடீரென பாலத்தில் இருந்து இறங்கியதால் பரபரப்பு.

திருச்சி மாநகர சாலைகளின் நெரிசலை குறைக்கும் வகையில் உய்யகொண்டான் கால்வாயின் குறுக்கே இரண்டு பாலங்கள் கட்டும் பணியை திருச்சி மாநகராட்சி நவம்பர் மாதம் தொடங்க உள்ளது. 2023 ஆம் ஆண்டில், மாநகராட்சி, நகரத்தின் வழியாகச் செல்லும் உய்யகொண்டான் கால்வாயின் குறுக்கே பாதசாரிகள் மற்றும் வாகனங்கள் செல்லக்கூடிய பாலங்களைக் கட்ட முன்மொழிந்தது. ஒப்புதல் கிடைத்ததைத் தொடர்ந்து, பொருத்தமான ஒப்பந்ததாரரை அடையாளம் காண ஒரு மாதத்திற்கு முன் டெண்டர் விடப்பட்டு விண்ணப்பங்கள் பரிசீலனையில் உள்ளன. இத்திட்டத்திற்காக 2.2 கோடி ரூபாய் ஒதுக்கப்பட்டுள்ளதாக தகவல்கள் தெரிவிக்கின்றன டெண்டர் விடும் பணி இறுதி கட்டத்தில் உள்ளது, விரைவில் டெண்டர் விடப்படும். கட்டுமானப் பணிகள் நவம்பரில் துவங்கி, ஓராண்டுக்குள் முடிக்கப்படும்,'' என, மாநகராட்சி கமிஷனர் V.சரவணன் தெரிவித்தார். ராஜா காலனி மற்றும் பாரதி நகர் ஆகியவற்றை இணைக்கும் கால்வாயின் குறுக்கே ரூ1.2 கோடி மதிப்பீட்டில் பாலம் கட்டப்படும். இந்த பாலம் 30 அடி அகலத்தில், இரு சக்கர வாகனங்கள், கார்கள் மற்றும் ஆட்டோக்கள் செல்ல உதவும். MGR ரவுண்டானா மற்றும் மகாத்மா காந்தி நினைவு அரசு மருத்துவமனை அருகே போக்குவரத்து நெரிசலைக் குறைக்கும் வகையில், வயலூர் சாலையில் இருந்து வரும் வாகன ஓட்டிகள் புதிய பாலத்தின் வழியாக ரயில்வே சந்திப்பு, மத்திய பேருந்து நிலையம் மற்றும் அருகிலுள்ள பகுதிகளுக்குச் செல்லலாம். அதேபோல், நடைபாதை பாலம், சென்னை அண்ணாநகர் இணைப்பு சாலையுடன் மாவட்ட நீதிமன்ற வளாகம் அருகில்  தென்னூரில் உள்ள உழவர் சந்தையையும் இணைக்கும். இது ₹1  கோடியில் கட்டப்பட்டு, 20 அடி அகலமும், நடைபாதைகள் செல்வதற்கு வசதியாக இருக்கும். மோட்டார் வாகனமற்ற போக்குவரத்தை ஊக்குவிப்பதற்கும், பாதசாரிகள் மற்றும் சைக்கிள் ஓட்டுபவர்கள் கால்வாயைக் கடப்பதற்கு வசதி செய்வதற்கும் இது முன்முயற்சியின் ஒரு பகுதியாகும். முன்னதாக, 2022 ஆம் ஆண்டில், மாவட்ட நீதிமன்றத்திற்கு அருகில் உள்ள உய்யகொண்டான் கால்வாயின் மீது இரண்டு அடுக்கு நடைபாதை ரவுண்டானா அமைக்க மாநகராட்சி முன்மொழிந்தது. ஆனால், திட்டம் நிறைவேறவில்லை. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/EyVod1y2hCzBwSYfdM94vb