திருச்சி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்பட்டு வரும் தன்னார்வ பயிலும் வட்டத்தின் மூலம் பல்வேறு மத்திய, மாநில அரசுப் பணிகளுக்கான போட்டித் தேர்வுகளுக்கு இலவச பயிற்சி வகுப்புகள் நடத்தப்பட்டு வருகிறது. TNPSC, SSC, RRB, LIC AAO, IB, EPFO, ASST, COMMANDANT போன்ற போட்டி தேர்வுகளுக்கு வரலாறு, புவியியல், பொருளாதாரம், அறிவியல், அரசியல் அறிவியல், நடப்பு நிகழ்வுகள், நுண்ணறிவு, திறனறிவு, காரணவியல் மொழியறிவு (தமிழ்/ஆங்கிலம்) ஆகிய பாடப்பிரிவுகளுக்கு 28.07.2025 அன்று இலவச பயிற்சி வகுப்புகள் தொடங்கப்பட உள்ளது. இங்கு, சிறந்த பயிற்றுநர்களை கொண்டு அனைத்துப் பாடப்பகுதிகளுக்கும் பயிற்சியளிப்பதுடன், பாடவாரியாக மாதிரித்தேர்வுகள் நடத்தப்பட்டு இலவசமாக பாடக்குறிப்புகளும் வழங்கப்படும். ஆகவே, போட்டித் தேர்வுகளுக்கு தயாராகும் திருச்சி மாவட்டத்தைச் சேர்ந்த அனைத்து மாணவர்களும் இப்பயிற்சி வகுப்பில் சேர்ந்து, பயனடையுமாறு கேட்டுக்கொள்ளப்படுகிறது. இதுதொடர்பான மேலும் விவரங்களுக்கு 0431-2413510, 9499055901, 9499055902 என்ற திருச்சிராப்பள்ளி, மாவட்ட வேலைவாய்ப்பு மற்றும் தொழில்நெறி வழிகாட்டும் மைய அலுவலக தொலைபேசி எண்ணில் தொடர்பு கொள்ளலாம். இவ்வாறு அதில் அவர் தெரிவித்துள்ளார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

அதன்படி திருச்சி - காரைக்கால் டெமு ரயிலானது (76820) வரும் 24, 25, 26, 27 ஆகிய தேதிகளில் திருவாரூா் - காரைக்கால் இடையே பகுதியாக ரத்து செய்யப்பட்டு, திருச்சி - திருவாரூா் இடையே மட்டும் இயங்கும். மறுமாா்க்கமாக, காரைக்கால் - திருச்சி டெமு ரயிலானது (76819) வரும் 24, 25, 26, 27 ஆகிய தேதிகளில் காரைக்கால் - திருவாரூா் இடையே பகுதியாக ரத்து செய்யப்பட்டு, திருவாரூா் - திருச்சி இடையே மட்டுமே இயங்கும். மேலும் பராமரிப்புப் பணிகள் காரணமாக, திருச்சி - பாலக்காடு விரைவு ரயிலானது (16843) வரும் 25, 27, 28 ஆம் தேதிகளில் பாலக்காடு - குளித்தலை இடையே பகுதியாக ரத்து செய்யப்படுகிறது. பராமரிப்புப் பணிகள் முடிந்ததும் குளித்தலை - பாலக்காடு இடையே முன்பதிவற்ற சிறப்பு ரயிலாக இயக்கப்படும். மறுமாா்க்கமாக, பாலக்காடு - திருச்சி விரைவு ரயிலானது (16844) வரும் 25, 27, 28 ஆம் தேதிகளில் திருச்சி - கரூா் இடையே பகுதியாக ரத்து செய்யப்படுகிறது. பராமரிப்புப் பணிகள் முடிந்ததும் கரூா் - திருச்சி இடையே முன்பதிவற்ற சிறப்பு ரயிலாக இயக்கப்படும். தாமதப் புறப்பாடு: காரைக்கால் - தஞ்சாவூா் பயணிகள் ரயிலானது (56817) வரும் 24, 25, 26, 27 ஆகிய தேதிகளில் தேவைப்படும் இடங்களில் 30 நிமிஷங்கள் நின்று தாமதமாகப் புறப்படும். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

இருசக்கர மற்றும் நான்கு சக்கர வாகனங்கள் பொது ஏல விற்பனை அறிவிப்பு. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

வாழவந்தான்கோட்டை துணை மின்நிலையத்தில் பராமரிப்புப் பணிகள் நடைபெற இருப்பதால் ஜெய் நகா், திருவேங்கட நகா், கணேசபுரம், கணபதி நகா், கீழகுமரேசபுரம், கூத்தைப்பாா், கிருஷ்ணசமுத்திரம், பத்தாளப்பேட்டை, கிளியூா், தமிழ் நகா், பெல் நகரியம் சி, டி பிரிவுகள், சொக்கலிங்கபுரம், இம்மானுவேல் நகா், வ.உ.சி. நகா், எழில் நகா், அய்யம்பட்டி, வாழவந்தான்கோட்டை, தொண்டைமான்பட்டி, திருநெடுங்குளம், வாழவந்தான்கோட்டை ‘சிட்கோ’ தொழிற்பேட்டை, பெரியாா் நகா், ரெட்டியாா்தோட்டம், ஈச்சங்காடு, பா்மா நகா், மாங்காவனம் ஆகிய பகுதிகளில் 23-ஆம் தேதி (புதன்கிழமை) மின்தடை செய்யப்படுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

அம்மாபேட்டை துணை மின்நிலையத்தில் பராமரிப்புப் பணிகள் காரணமாக ராம்ஜி நகா், கள்ளிக்குடி, அரியாவூா், சன்னாசிப்பட்டி, சத்திரப்பட்டி, அம்மாபேட்டை, இனாம்குளத்தூா், வெள்ளிவாடி, நவலூா்குட்பட்டு, பூலாங்குளத்துப்பட்டி, சித்தாநத்தம், ஆலம்பட்டிபுதூா், கரையான்பட்டி, வடசேரி, புதுக்குளம், இடையப்பட்டி, மேலபாகனூா் ஆகிய பகுதிகளில் 23-ஆம் தேதி புதன்கிழமை காலை 9.45 மணி முதல் மாலை 4 மணி வரை மின்விநியோகம் தடை செய்யப்படுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

பஞ்சப்பூர் ஒருங்கிணைந்த பேருந்து நிலையத்தில் இருந்து புறப்படும் புறநகர் பேருந்துகளில் கூடுதல் கட்டணம் வசூலிக்கப்படுவதாக மக்களிடம் இருந்து புகார்கள் எழுந்துள்ளன. சாதாரண பேருந்துகளில் ரூ.5ம், ஏசி பேருந்துகளில் ரூ.10 வரையும் பேருந்து கட்டணம் எந்த அறிவிப்பும் இன்றி உயர்த்தப்பட்டுள்ளதாகக் குற்றச்சாட்டுகள் எழுந்துள்ளன. பஞ்சப்பூர் பேருந்து நிலையம் தேசிய நெடுஞ்சாலையில் அமைந்திருப்பதால், கூடுதல் கட்டணம் வசூலிக்கப்படுமா என்ற கேள்வி எழுந்தது. ஆனால் கட்டணம் உயர்த்தப்படாது என்று அமைச்சர் கே.என்.நேரு மற்றும் மாவட்ட ஆட்சியர் சரவணன் ஆகியோர் கூறினர். ஆனால் கடந்த 4 நாட்களாகவே அரசுப் பேருந்து, தனியார் பேருந்து என்று இரண்டிலும் கூடுதல் கட்டணம் வசூலிக்கப்படுவதாகப் பயணிகள் குற்றம்சாட்டி வருகின்றனர். 1 முதல் 5 வரையிலான பஸ் ஸ்டாப்களுக்கு செல்ல ஏற்கனவே வசூலிக்கப்பட்ட கட்டணத்தை விட கூடுதலாக ரூ.5ம், ஏசி பேருந்துகளில் ரூ.10ம் கூடுதல் கட்டணமாக வசூலிக்கப்பட்டு வருகிறது. அதேபோல் ஒன் டூ ஒன் பேருந்துகளிலும் ரூ.5 கூடுதல் கட்டணமாக வசூலிக்கப்படுகிறது. இதன்படி திருச்சி - புதுக்கோட்டை செல்லும் ஏசி பேருந்துகளில் பழைய கட்டணமாக ரூ.60 பெறப்பட்டு வந்தது. ஆனால் தற்போது ரூ.70 கட்டணமாக மாற்றப்பட்டுள்ளது. சாதாரண பேருந்துகளில் ரூ.47ல் இருந்து ரூ.52ஆக கட்டணம் உயர்த்தப்பட்டிருக்கிறது. இதே திருச்சி - புதுக்கோட்டை ஒன் டூ ஒன் பேருந்துகளில் ரூ.50க்கு பதிலாக ரூ.55 கட்டணமாக வசூலிக்கப்பட்டிருக்கிறது. இதனால் பேருந்துகளில் மூலம் பயணித்து கூலி வேலைக்குச் செல்வோர், பெண்கள், கல்லூரி மாணவர்கள், தனியார் நிறுவன ஊழியர்கள் என்று பல்வேறு தரப்பினரும் பாதிக்கப்பட்டு வருகின்றனர். பொதுமக்கள் பஞ்சப்பூர் பேருந்து நிலையத்தின் வருகையால் ஒருநாளுக்கு கூடுதலாக ரூ.20 வரை செலவு செய்யும் நிலைக்குத் தள்ளப்பட்டுள்ளனர். மத்தியப் பேருந்து நிலையத்தில் இருந்து பஞ்சப்பூர் பேருந்து நிலையம் 9 கிமீ தொலைவில் அமைந்துள்ளது. இதற்கான டீசல் செலவை ஈடுகட்டும் வகையில் இந்த பேருந்து கட்டணம் ஒவ்வொரு பயணியிடம் இருந்தும் வசூலிக்கப்படுவதாகப் புகார்கள் எழுந்துள்ளன. இதனால் மாவட்ட நிர்வாகமும், போக்குவரத்துக் கழகமும் இணைந்து இந்த பிரச்சனைக்குத் தீர்வு காண வேண்டும் என்பதே மக்களின் கோரிக்கையாக உள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

பேருந்து நிலையம் மாற்றப்பட்டு உள்ளதால் கடைகளின் வியாபாரம் பாதிக்கப்பட்டு உள்ளதாக மத்திய பேருந்து நிலையத்தில் இருக்கும் வியாபாரிகள் மாநகராட்சி நடவடிக்கை எடுக்க வேண்டும் என்று கோரிக்கை விடுத்து உள்ளனர். கடைகளில் 90% வரை வியாபாரம் குறைந்துள்ளதாக கடைக்காரர்கள் கூறுகின்றனர். இதனால், கடையின் வாடகையை குறைக்க வேண்டும் என்று திருச்சி மாநகராட்சிக்கு கோரிக்கை விடுத்துள்ளனர். இல்லையென்றால், சத்திரம் பேருந்து நிலையத்தில் இருந்து செல்லும் வெளியூர் பேருந்துகளையாவது மத்திய பேருந்து நிலையத்திற்கு மாற்ற வேண்டும் என்று கூறுகின்றனர். மத்திய பேருந்து நிலையத்தில் மொத்தம் 67 கடைகள் உள்ளன. பேருந்து நிலையத்திற்கு வரும் பேருந்துகளின் எண்ணிக்கை 3,844ல் இருந்து 2,044 ஆக குறைந்துள்ளது. தஞ்சாவூர் மற்றும் கோயம்புத்தூர் செல்லும் பேருந்துகள் பஞ்சப்பூருக்கு மாற்றப்பட்டதால், இந்த கடைகளில் வியாபாரம் மிகவும் குறைந்துள்ளது. வெளியூர் பேருந்துகளில் வரும் பயணிகள் தான் கடைகளில் அதிகம் வாங்குவார்கள். அதனால், பேருந்துகள் நிறுத்தப்பட்டதால் வியாபாரம் பாதிக்கப்பட்டுள்ளது என்று வியாபாரிகள் கூறுகின்றனர். வாடகையை குறைக்கவில்லை என்றால், கடைகளை மூடும் நிலை ஏற்படும் என்று அவர்கள் கவலை தெரிவிக்கின்றனர். சத்திரம் பேருந்து நிலையத்தில் இருந்து இயக்கப்படும் வெளியூர் பேருந்துகளை மத்திய பேருந்து நிலையத்திற்கு மாற்றினால் வியாபாரம் அதிகரிக்கும் என்று கடைக்காரர்கள் கூறுகின்றனர். குறிப்பாக, துறையூர், அரியலூர், ஜெயங்கொண்டம் மற்றும் பெரம்பலூர் செல்லும் பேருந்துகளை மாற்றினால் உதவியாக இருக்கும். இதுகுறித்து மாநகராட்சி அதிகாரி கூறுகையில், "மத்திய பேருந்து நிலையத்தில் உள்ள கடைகள் குறித்து விரைவில் முடிவு எடுக்கப்படும். வியாபாரிகள் இந்த மாதம் இறுதி வரை காத்திருக்க வேண்டும்" என்றார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

திருச்சி மாவட்டம் மணப்பாறையை அடுத்த பொய்கைப்பட்டி அருகே வலையப்பட்டியை சேர்ந்தவர் விவசாயி முருகேசன். (56) இவர் மணப்பாறையில் உள்ள தனியார் வங்கியில் குழு கடனாக 40,000 கடன் தொகை பெற்றுள்ளார். இதில், மொத்தம் 24 மாதத்திற்கு 17 மாதம் கடன் தொகை செலுத்தியுள்ளார். மீதி ஏழு மாதங்களுக்கு பணம் கட்ட தாமதமாகி விட்ட நிலையில் முந்தைய மாதம் முருகேசன் வீட்டுக்கு சென்ற விக்னேஷ் என்ற தனியார் வங்கி ஊழியர் அங்கு இருந்த முருகேசன் மற்றும் அவரது வீட்டிலிருந்தவர்களை மிகவும் தரக்குறைவாக பேசியதாக கூறப்படுகிறது. இதனால் ஆத்திரம் அடைந்த முருகேசன் உங்களிடம் பணம் செலுத்த முடியாது என்றும் வங்கிக்கு சென்று கட்டி விடுகிறேன் என்று கூறினாராம். அதேபோல், இந்த மாதமும் வீட்டு சென்ற வங்கி ஊழியர் விக்னேஷ், தரக்குறைவாக பேசியது மட்டுமல்லாமல் வங்கிக்கு நேராக வரவேண்டும் என்றும் இல்லையென்றால் நாங்கள் என்ன செய்வோம் என்று தெரியாது என மிரட்டல் தொனியில் பேசியுள்ளார். இதனையடுத்து, நீங்கள் முன்னால் செல்லுங்கள் நான் பேருந்தில் வருகிறேன் என்று சொல்லி முருகேசன் மினிபஸ்ஸில் மணப்பாறைக்கு பயணம் செய்திருக்கிறார். அப்பொழுது வங்கி ஊழியர்கள் இரண்டு பேர் மினிபஸ்ஸின் இடதுபுறமும், வலது புறமும் என பேருந்து சைடாக டூவீலரில் பின் தொடர்ந்து பாதுகாவலர் போல் சென்று உள்ளனர். முருகேசன் மணப்பாறையில் இறங்கி தனியார் வங்கிக்கு சென்றபோது அவரை தரக்குறைவாக பேசியது மட்டுமல்லாமல் வேன் ஸ்டாண்ட் பின்புறத்தில் அதாவது வங்கியின் கீழ்தளத்தில் உள்ள கார் பார்க்கிங் பகுதிக்கு அவரைப் பிடித்து சென்று சரமாரியாக அடித்தார்களாம். அப்போது வலி தாங்காமல் முருகேசன் கதறி அழுதுள்ளார். இந்த அலறல் சத்தத்தை கேட்ட அப்பகுதியில் இருந்த பொதுமக்கள் மற்றும் வாகன ஓட்டுநர்கள் பதறியபடி ஓடிச்சென்று வங்கி ஊழியரியரிடமிருந்து முருகேசனை மீட்டுள்ளனர். அப்போது வங்கி ஊழியர் அவர்களிடம் கடும் வாக்குவாதத்தில் ஈடுபட்டனர். தகவலறிந்த மணப்பாறை போலீசார் சம்பவ இடத்திற்கு வந்து விசாரணை செய்ததுடன் தாக்குதல் நடத்திய வங்கி ஊழியரை காவல் நிலையத்திற்கு விசாரணைக்காக அழைத்துச் சென்றனர். தாக்கப்பட்ட விவசாயி முருகேசன் மணப்பாறை அரசு மருத்துவமனையில் அவசர சிகிச்சை பிரிவில் அனுமதிக்கப்பட்டு சிகிச்சை பெற்று வருகிறார்.

பூவாளுர்  துணை மின் நிலையத்தில் வரும் மாதாந்திர பராமரிப்பு பணி மேற்கொள்ளப்பட இருப்பதால்,  லால்குடி அரசு பொது மருத்துவமனை, நாகம்மையாா் தெரு, ராஜேஸ்வரி நகா், சாந்தி நகா், பின்னவாசல், பூவாளூா், தென்கால், மணக்கால், கொப்பாவளி, வழுதியூா், நடராஜபுரம், படுகை, மேட்டாங்காடு, ஆதிகுடி, கொன்னைக்குடி, சாத்தமங்கலம், ஆனந்திமேடு, அன்பில், கீழ் அன்பில், ஜங்கமராஜபுரம், மங்கம்மாள்புரம், குறிச்சி, பருத்திக்கால், அம்மன் நகா், காட்டூா், ராமநாதபுரம், கொத்தமங்கலம், சிறுமயங்குடி, மேட்டுப்பட்டி, வெள்ளனூா், பெருவளநல்லூா், இடக்கிமங்களம், நஞ்சை சங்கேந்தி, புஞ்சை சங்கேந்தி, இருதயபுரம்  ஆகிய பகுதிகளில் வரும் 22 ஆம் தேதி காலை 9.45 மணி முதல் மாலை 4 மணி வரை மின்சாரம் இருக்காது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI